કોરોનાનો ભય / ક્રિકેટમાં બોલ પર લાળ અને પરસેવો લગાવાના વિકલ્પમાં શોધાઈ આ વસ્તુ, નહીં રહે કોરોનાનો ખતરો

• ક્રિકેટરો માટે સારાં સમાચાર
• બોલને ચમકાવવા હવે તૈયાર થશે આ વેક્સ
• જો ક્રિકેટરો લાળ કે પરસેવો લગાવશે તો થશે કાર્યવાહી

જોકે, સારાં સમાચાર એ છે કે, લાળ અને પરસેવાનું વિકલ્પ પણ તૈયાર કરવાનું શરૂ થઈ ચૂક્યું છે. એવા સમાચાર મળ્યાં છે કે, ઓસ્ટ્રેલિયાની બોલ ઉત્પાદક કંપની કૂકાબુરા ટૂંક સમયમાં લાળ અને પરસેવાના વિકલ્પમાં એવું વેક્સ એપ્લિકેટર તૈયાર કરશે, જે કોરોના સંકટ બાદ ક્રિકેટ જગતમાં બોલને ચમકાવવામાં મદદ કરશે. 

બોલ પર લગાવવામાં આવશે વેક્સ

રિપોર્ટ મુજબ, આંતરરાષ્ટ્રીય ક્રિકેટ કાઉન્સિલ (આઈસીસી) બોલને ચમકાવવા માટે અમ્પાયરોની દેખરેખ હેઠળ કૃત્રિમ પદાર્થોના ઉપયોગને મંજૂરી આપવા અંગે વિચારણા કરી રહી છે. આ સ્થિતિમાં કૂકાબુરાએ વેક્સ એપ્લિકેટર તૈયાર કરવાનું શરૂ કરી દીધું છે, જે એક મહિનામાં તૈયાર થઈ જશે. 

કૂકાબુરા ગ્રુપના મેનેજિંગ ડિરેક્ટર બ્રેટ ઇલિયટે કહ્યું કે, 'ઓસ્ટ્રેલિયામાં કૂકાબુરાનું સંશોધન અને વિકાસ કેન્દ્ર બોલને ચમકાવાની પરંપરાગત રીતનો વિકલ્પ તૈયાર કરવા પર કામ કરી રહ્યું છે. ક્રિકેટ બોલને ચમકવા માટે અમે એક વિશેષ પ્રકારનું વેક્સ ફોર્મ્યુલા તૈયાર કર્યો છે. તેમણે કહ્યું, ખેલાડી અથવા અમ્પાયર બોલને ચમકાવા માટે આ વેક્સ બોલ પર લગાવી બોલને કપડાં પર ઘસીને ચમકાવી શકાશે. 

તમને જણાવી દઈએ કે, દિગ્ગજ બોલર્સ જેમ કે, શોએબ અખ્તર, એલેન ડોનાલ્ડ જેવા બોલરોએ કહ્યું હતું કે, જો આઇસીસી બોલ પર પરસેવો કે લાળ લગાવવા પર બેન મૂકશે તો બોલરોને કોઈ બીજો વિકલ્પ મળવો જોઈએ. નહીંતર બોલરોને સ્વિંગ યોગ્ય રીતે નહીં મળી શકે, જેનો ફાયદો બેટ્સમેનોને થશે. 

તમને જણાવી દઈએ કે, રવિવારે, ઓસ્ટ્રેલિયન સરકારે પહેલેથી જ બોલ પર લાળ અને પરસેવો લગાવવા પર પ્રતિબંધ મૂકવાનો નિર્ણય લીધો છે. ઓસ્ટ્રેલિયન સરકારના જણાવ્યા અનુસાર, જ્યારે કોરોના વાયરસ પછી ક્રિકેટ શરૂ થશે, ત્યારે કોઈ પણ ખેલાડી લાળ અથવા પરસેવો લગાવી શકશે નહીં, જો કોઈ આ કામ કરતું પકડાશે તો તેના વિરૂદ્ધ કાર્યવાહી કરવામાં આવશે.