શું તમે જાણો છો કે સીમ કાર્ડના એક ખૂણા પર કટ શા માટે હોય છે? અહીં જાણો વિગતવાર
બધા જ સીમકાર્ડમાં એક ખૂણા પર હોય છે કટ
પહેલા કટ વગરનાં સીમ કાર્ડમાં ઉલ્ટુ છે કે સીધુ એ સમજવામાં પડતી હતી તકલીફ
કટને કારણે લોકોને પાડવા માંડી સરળતા
બધા જ સીમકાર્ડમાં એક ખૂણા પર હોય છે ક
આજના જમાનામાં મોબાઈલ ફોન લોકોનાં જીવનનો મુખ્ય ભાગ બની ગયો છે. લોકો ઘણા કલાકો મોબાઇલની સ્ક્રીન પર જ વિતાવે છે. મોબાઈલ સતત સ્માર્ટ થતાં જઈ રહ્યા છે. મોબાઈલે લોકોનાં ઘણા કામો સરળ બનાવી દીધા છે. પરંતુ કોઈપણ મોબાઇલમાં સૌથી જરૂરી સીમ કાર્ડ હોય છે. સીમ કાર્ડની મદદથી જ મોબાઈલમાં નેટવર્ક આવે છે, જેથી આપણે કોલ, મેસેજ અથવા ઈન્ટરનેટ ચલાવી શકીએ છીએ. જો તમે ક્યારેય સીમ કાર્ડને ધ્યાનથી જોયું હશે, તો તેમાં એક સાઈડ કટ લાગેલ હોય છે, પરંતુ શું તમને ખબર છે કે સીમ કાર્ડને એક સાઈડથી કેમ કાપવામાં આવે છે? આવો જાણીએ.
પહેલા નોર્મલ હતા સીમકાર્ડ
આજે ભારત સહિત દુનિયાભરમાં ઘણી ટેલિકોમ કંપનીઓ છે, જે સીમ કાર્ડ બનાવે છે. બધા સીમ કાર્ડ એક સાઈડથી કપાયેલા હોય છે. આવું માત્ર ભારતમાં જ નહીં, પણ દુનિયાભરમાં થાય છે. તમને જણાવી દઈએ કે શરૂઆતમાં જ્યારે સીમ કાર્ડ બનતા હતા, ત્યારે આ સાઈડ કટ નહોતા જોવા મળતા. જ્યારે મોબાઈલ ફોન માટે સીમકાર્ડ ડિઝાઇન કરવામાં આવ્યા હતા, તો તેમનો આકાર ખૂબ જ નોર્મલ હતો.
આ કારણે કપાવા લાગ્યા સીમ કાર્ડ
હવે તમે વિચારી રહ્યા હશો કે જ્યારે પહેલા સીમકાર્ડ નોર્મલ હતા, તો પછી એવું શું બન્યું કે તેને સાઈડથી કાપવા પડ્યા. હકીકતે, જ્યારે સીમ કાર્ડ ચોકોર બનતા હતા, ત્યારે લોકોને એ સમજવામાં તકલીફ પડતી હતી કે સિમનો સીધો અને ઉલ્ટો ભાગ કયો છે. આવામાં લોકો ઘણી વાર સિમને ઉલટું નાંખી દેતા હતા. આ કારણે તેને પછી કાઢવામાં તકલીફ પડતી હતી. ઘણી વાર તો સિમની ચિપ પણ ખરાબ થઈ જતી હતી.
લોકોનું કામ બન્યું સરળ
આ તકલીફને ધ્યાનમાં રાખતા ટેલિકોમ કંપનીઓને સિમની ડિઝાઇનમાં ફેરફાર કરવાની જરૂર લાગી. ત્યાર બાદ કંપનીઓએ સીમ કાર્ડને એક ખૂણાથી કાપવાનો નિર્ણય લીધો. આ કટવાળા ખૂણાને કારણે લોકોને સીમ કાર્ડ મોબાઈલ ફોનમાં લગાવવામાં અને કાઢવામાં સરળતા પડતી હતી. આ જ કારણે અન્ય ટેલિકોમ કંપની પણ આ જ રસ્તો અપનાવવા લાગી.