વાસ્તુ શાસ્ત્રમાં ઘણી એવી વસ્તુઓ વિષે કહેવામાં આવ્યું છે, જેથી કોઈપણ વ્યક્તિનું જીવન સફળ થઇ જાય. વાસ્તુમાં અમુક ભૂલોનું પણ આલેખન થયું છે, જે કરવાથી વ્યક્તિના જીવનમાં મુસીબતો વધી શકે છે. વાસ્તુમાં પૂજા પાઠ દરમિયાન અજાણ્યામાં ઘણી ભૂલો આપણે કરીએ છીએ જેથી દેવી-દેવતા આપણાથી નિરાશ પણ થઇ શકે છે. આ ભૂલો તમારા વ્યક્તિગત જીવન તથા ઘરની સુખ શાંતિ પર અસર કરે છે. આવામાં આજે અમે તમને મંદિર તથા પૂજા પાઠ સાથે જોડાયેલ આવી ભૂલો વિષે કહેવા જઈ રહ્યા છીએ જે અશાંતિ તથા સુખ-સમૃદ્ધિ માટે હાનિકારક છે.
જમીન પર ન રાખો શિવલિંગ
શિવલિંગ ભગવાન ભોલેનાથનું પ્રતિક છે. માનવામાં આવે છે કે ભોલેનાથમાં આ આખા બ્રહ્માંડની ઉર્જા સમાયેલ છે. આવામાં શિવલિંગ ભૂલીને પણ જમીન પર ન રાખવી જોઈએ. આવું કરવાથી ઘરમાં નકારાત્મક ઉર્જાનો સંચાર થાય છે. શિવલિંગને હંમેશા પૂજાસ્થળ પર સાફ જગ્યાએ જ રાખવી જોઈએ.
અહી ન રાખો દીવો
પૂજા કરતા સમયે દીવો જરૂરથી કરવામાં આવે છે. આ ઘણું શુભ માનવામાં આવે છે. આવામાં દીવાને ક્યારેય જમીન પર ન રાખવો જોઈએ. દીવાને હમશા થાળીમાં કોઈ સ્ટેન્ડ પર જ મુકવો જોઈએ.
શાલિગ્રામ ન રાખો જમીન પર
હિંદુ ધર્મમાં શાલિગ્રામને અત્યંત પૂજનીય માનવામાં આવે છે. શાલિગ્રામનો પ્રયોગ ભગવાનનું આહ્વાન કરવા માટે કરવામાં આવે છે. શિવ ભક્ત પૂજા કરવા માટે શિવલિંગના રૂપમાં શાલિગ્રામનો ઉપયોગ કરે છે. ભગવાન વિષ્ણુની પૂજામાં પણ શાલિગ્રામનું ખાસ મહત્વ હોય છે. જે ઘરમાં શાલિગ્રામ સ્થાપિત કરવામાં આવે છે ત્યાં સુખ તથા સમૃદ્ધિ આપમેળે જ આવવા લાગે છે. પરંતુ તેને જમીન પર રાખવાથી તમને નુકસાન વેઠવું પડી શકે છે.
મૂર્તિ
મંદિરની સાફ સફાઈ કરતા સમયે મોટાભાગના લોકો મૂર્તિ સમેત બધી વસ્તુઓને જમીન પર રાખી દે છે, પાછીન સફાઈ કરે છે. તમને જણાવી દઈએ કે આવું બિલકુલ ન કરવું જોઈએ. તેનાંથી ભગવાનનું અપમાન થાય છે તથા તમારા ઘરમાં શાંતિ ભંગ પણ થઇ શકે છે. મંદિરની સાફ-સફાઈ કરતા સમયે મૂર્તિઓને હંમેશા કોઈ કપડા અથવા થાળી પર રાખો.
શંખ
હિંદુ ધર્મમાં શંખનું વિશેષ મહત્વ હોય છે. ધાર્મિક અવસરો પર શંખ વગાડવો શુભ મનાય છે. માતા લક્ષ્મીની પૂજા શંખ વિના અધૂરી માનવામાં આવે છે. આવામાં શંખને જમીન પર રાખવાથી નકારાત્મક ઉર્જાનો પ્રભાવ પડે છે તથા ધનની હાની પણ થાય છે.
સોનાનાં ઘરેણાં
જણાવી દઈએ કે સોનાનાં ઘરેણાં માતા લક્ષ્મીનું રૂપ માનવામાં આવે છે જે ભગવાન વિષ્ણુને પણ અતિ પ્રિય છે. આવામાં સોનાનાં ઘરેણાંને ભૂલથી પણ જમીન પર ન રાખવા જોઈએ. સાથે જ પગમાં ક્યારેય પણ સોનાનાં આભૂષણ ન પહેરવા જોઈએ. સોનાનાં ઘરેણાંને હંમેશા કોઈ કપડામાં વીંટીને રાખવા જોઈએ.
