શંકાની સોય / સોલા સિવિલમાંથી બાળકીનું અપહરણ: CCTV ફૂટેજમાં સંદિગ્ધ મહિલા નજરે પડી, 70 પોલીસકર્મીની ટીમ તપાસમાં જોતરાઈ

• સોલા સિવિલ હોસ્પિટલમાં બાળકીના અપહરણ મામલે નવો વળાંક
• અપહરણ પાછળ સાસુની સંડોવણીની પોલીસને આશંકા
• બાળકીના અપહરણના CCTV ફૂટેજ આવ્યા સામે

અમદાવાદની સોલા હોસ્પિટલમાંથી બાળકીના અપહરણનો મામલે હવે પોલીસને CCTV ફૂટેજ હાથ લાગ્યા છે. બાળકીને લઇ જતી શંકાસ્પદ મહિલા નજરે પડી રહી છે. જેમાં એક મહિલા બાળકી લઈ જતી જોવા મળી રહી છે. હાલ પોલીસ  CCTVના આધારે તપાસ શરૂ કરી છે. હોસ્પિટલના તો CCTV કેમેરા જ બંધ હોવાથી બહારના સીસીટીવી કેમેરા પોલીસ દ્વારા ચેક કરવામાં આવતા આ ફૂટેજ સામે આવ્યા છે. 70 પોલીસકર્મીની ટીમ બનાવી અપહરણકાર મહિલાને ઝડપી લેવા કવાયત હાથ ધરાઇ છે.

શું છે સમગ્ર ઘટના?
અમદાવાદના સોલા સિવિલ હોસ્પિટલ.. હોસ્પિટલ સ્ટાફની બેદરકારી કહો કે પછી હોસ્પિટલના સિક્યોરિટી ગાર્ડની.. સોલા સિવિલમાંથી એક નવજાત બાળકીનું અજાણ્યા શખ્સોએ અપહરણ કરી લીધું.. આ અપહરણ બાદ સિવિલ હોસ્પિટલની સુરક્ષા અંગે અનેક સવાલ ઉભા થયા.. જ્યારે આ મામલે પોલીસને જાણ થઈ તો પોલીસ ઘટનાસ્થળે પહોંચી અને તપાસ શરૂ કરી ત્યારે જાણ થઈ કે હોસ્પિટલના તો CCTV કેમેરા જ બંધ છે..  ઘટના પર નજર કરીએ તો અમેઠીની વતની સરસ્વતી નામની મહિલાએ ગઈકાલે બાળકીને જન્મ આપ્યો હતો. પરિવારમાં ખુશીનો માહોલ હતો. પણ પરિવારે સ્વપ્ને પણ વિચાર્યું ન હતું કે આ ખુશી ગણતરીના કલાકો માટે જ છે. અચાનક વોર્ડમાંથી બાળકો ગાયબ થઈ જાય છે અને કોઈને પણ કાઈપણ જાણ વીના એક સંદિગ્ધ રીતે બાળકીનું અપહરણ થઈ જાય છે જે બાદ સિવિલ હોસ્પિટલ તંત્ર અને પોલીસને ઘટના વિષે જાણ કરવામાં આવે છે.

સાસુ સીલાબેન પર પણ શંકા જતાં ઊલટ તપાસ
આ દરમિયાન પોલીસને મહિલાના સાસુ સીલાબેન પર પણ શંકા જતાં ઉલટ તપાસ શરૂ કરવામાં આવી છે. એવી પણ આશંકા છે કે બાળકીનું અપહણ થવામાં સાસુની સંડોવણી હોઈ શકે છે. મળતી માહિતી મુજબ મહિલાને 2 દીકરી હતી. અને હવે ત્રીજી દીકરીને જન્મ આપતા સાસુએ અપહરણ કરાવ્યું હોવાની શંકાએ પોલીસે તપાસ હાથ ધરી છે. કારણ કે જે સમયે બાળકી ગાયબ થઈ તે સમયે માતા અને દાદી જ ત્યાં હાજર હતા. જેથી પોલીસે હવે આ દિશામાં પણ તપાસ હાથ ધરી છે....

કોના વાંકે અપહરણકાર સફળ રહ્યો?
સોલા સિવિલમાં દરરોજ હજારો દર્દીઓ આવતા હોય છે. હોસ્પિટલનો સ્ટાફ અને સિક્યોરિટી ગાર્ડ પણ તૈનાત હોય છે તેમ છતાં એક બાળકીનું અપહરણ થઈ ગયું.. કોઈપણ રોકટોક વિના એક શખ્સ ત્રીજા માળ સુધી કેવી રીતે પહોંચી ગયો અને PNC વોર્ડમાં જઈને બાળકી લઈને બહાર કેવી રીતે નિકળ્યો તે મોટો સવાલ છે. પોલીસે આ મામલે બાળકીના ફોટાને જાહેર કર્યા છે અને 70 પોલીસકર્મીની ટીમ બનાવી છે. સાથે જ બાળકીના માતા-પિતા અને સગાસંબંધીની પણ પૂછપરછ કરવામાં આવી રહી છે.સિક્યોરિટીની ગંભીર બેદરકારી ના કારણે મોડી રાત્રે અજાણ્યો શખ્સ નવજાત બાળકીને ઉપાડીને ચાલ્યો ગયો.. બાળકીનું અપહરણ થતાં માતા-પિતાની આંખો બાળકીને શોધી રહી હતી. જે પોલીસ સમક્ષ બાળકીને શોધવા માટે આજીજી કરી રહેલા આ માતા-પિતા પરથી સ્પષ્ટ થાય છે. પોતાની માસૂમ દીકરીને પરત મેળવવા માતા-પિતાના આંખોમાંથી આંસુ વહી રહ્યા હતા. ત્યારે હવે સીસીટીવી ફૂટેજમા એક મહિલા બાળકીનું અપહરણ કરી લઇ જતી કેદ થઈ છે ત્યારે હવે સમગ્ર મામલે મોટો પર્દાફાશ થવાના એંધાણ છે.