ફિલ્મ 'ધડક'થી બોલિવૂડમાં ડેબ્યૂ કરનાર જાહ્નવી કપૂરે ફિલ્મ 'ગુંજન'ની શૂટિંગ પૂરી કરી લીધી છે. ત્યારે તેની પાસે અન્ય પ્રોજેક્ટ્સની કોઈ જ કમી નથી. એક રિપોર્ટ મુજબ, જાહ્નવી વરૂણ ધવનની આગામી ફિલ્મ 'મિ. લેલે'માં જોવા મળશે.
જાહ્નવીને ઓફર થઈ 'મિ. લેલે'
વરૂણ ધવન સાથે સ્ક્રીન શેર કરશે જાહ્નવી
ફેન્સ તેની આગામી ફિલ્મની જોઈ રહ્યા છે રાહ
જાહ્નવી કપૂર હાલ કાર્તિક આયર્ન સાથે 'દોસ્તાના 2'માં કામ કરી રહી છે. આ દરમિયાન તેને વરૂણ ધવનની સાથે 'મિ. લેલે' ફિલ્મ ઓફર થઈ છે. એવા સમાચાર છે કે આ ફિલ્મમાં પહેલાં લીડ રોલ માટે કિયારા અડવાણીને ઓફર કરવામાં આવ્યો હતો, પરંતુ કિયારાને ડેટ્સના ઈશ્યૂઝ હોવાથી તે ફિલ્મ સાઈન ન કરી શકી અને હવે આ ફિલ્મ જાહ્નવીને ઓફર થઈ છે.
જાહ્નવી કપૂરના વર્કફ્રંટની વાત કરીએ તો, 'દોસ્તાના 2' સિવાય તેના 'ગુંજન સક્સેના'માં જોવા મળશે. આ ફિલ્મમાં તે એક ફાયટર પાયલટની ભૂમિકામાં જોવા મળશે. આ ફિલ્મના ઘણાં પોસ્ટર પણ રિલીઝ કરવામાં આવી ચૂક્યા છે. જાહ્નવીની પહેલી ફિલ્મ ધડક પછી તેના ફેન્સ તેની બીજી ફિલ્મ માટે ઘણાં જ ઉત્સાહી છે અને આતુરતાથી ફિલ્મના ટ્રેલરની રાહ જોઈ રહ્યા છે.