દાવો / કપરાડા પેટાચૂંટણીમાં CM રૂપાણીનું મોટું નિવેદનઃ ચૂંટણી પછી પણ કોંગ્રેસમાં...

• કપરાડાની સભામાં CM વિજય રૂપાણીનો મોટો દાવો
• ચૂંટણી બાદ પણ કોંગ્રેસ તૂટવાની છે

મુખ્યમંત્રી વિજય રૂપાણીએ આજરોજ કપરાડા ખાતે પેટાચૂંટણીને લઇને જાહેર સભાને સંબોધન કર્યું હતું. જેમાં સીએમ રૂપાણીએ મોટો દાવો કર્યો છે કે પેટાચૂંટણી પછી પણ કોંગ્રેસ તુટવાની છે. 

જો કે એક તરફ ભાજપ પ્રદેશ પ્રમુખ સી આર પાટીલે કોંગ્રેસના સભ્યો ન તોડવાને લઇને અગાઉ કપરાડા ખાતે નિવેદન આપ્યું હતું. ત્યારે ભાજપ પ્રદેશ પ્રમુખના નિવેદનથી વિપરતી આજે CM રૂપાણીનું નિવેદન સામે આવ્યું છે. 

મુખ્યમંત્રી વિજય રૂપાણીએ સભા સંબોધનમાં કહ્યું કે વલસાડમાં  બાકી બધે કમળ છે, હવે કપરાડામાં 3 તારીખે કમળને મત આપી વિજય બનાવો. કપરાડાને અમે સવાયું આપીશું. 

CM રૂપાણીએ કોંગ્રેસ પર નિશાન તાકતા કહ્યું કે દેશ અને ગુજરાતમાં કોંગ્રેસ તુટી રહી છે. આ પેટા ચૂંટણી કોંગ્રેસના ધારાસભ્યોના લીધે આવી છે.