આત્મહત્યા / 25 વર્ષની અભિનેત્રીએ સાડીથી ગળે ફાંસો લગાવી કર્યો આપઘાત, ચાર પેજની સુસાઇડ નોટમાં થયો મોટો ખુલાસો

• કન્નડ ટીવીની જાણીતી અભિનેત્રી સૌજન્યાએ કરી આત્મહત્યા
• અભિનેત્રીનો મૃતદેહ તેના બેંગલુરૂ સ્થિત ઘરના બેડરૂમમાંથી મળ્યો
• અભિનેત્રી સૌજન્યાએ સ્યુસાઈડ નોટમાં કર્યા ખુલાસા

બેંગલુરૂના એપાર્ટમેન્ટમાં એકલી રહેતી હતી સૌજન્યા

પ્રારંભિક તપાસમાં પોલીસે જણાવ્યું છે કે રૂમનો દરવાજો અંદરથી બંધ હતો. જ્યારે તેને તોડવામાં આવ્યો તો જોયુ કે અભિનેત્રી પંખા પર લટકીને આત્મહત્યા કરી છે. અભિનેત્રીના પગ પર ટેટૂનુ નિશાન થયુ હોવાથી તેની ઓળખ થઇ છે. રૂમની અંદરથી એક સ્યુસાઈડ નોટ પણ મળી છે. સૌજન્યા બેંગલુરૂના દક્ષિણ જિલ્લામાં કુંબલગોડુના એક એપાર્ટમેન્ટમાં એકલી રહેતી હતી. સ્યુસાઈડ નોટમાં અભિનેત્રીએ પોતાની મોત માટે કોઈને જવાબદાર ઠેરવ્યાં નથી. એવામાં પોલીસે આત્મહત્યા સંદર્ભે વધુ તપાસ હાથ ધરી છે. સૌજન્યા મૂળ કોડગુ જિલ્લાના કુશલનગરની રહેવાસી હતી. અભિનેત્રી સૌજન્યાએ પોતાના પરિવાર પાસે માફી માંગી છે કે તેણે આ પગલું ઉપાડ્યુ છે. આ સ્યુસાઈ નોટ 27 સપ્ટેમ્બરે લખવામાં આવી છે.

અભિનેત્રીએ બધાનો આભાર માન્યો

અભિનેત્રીએ આ નોટમાં ડિપ્રેશનની કબુલાત કરી છે. પોલીસ હવે આ મામલે સૌજન્યાના માતા-પિતા અને મિત્રો સાથે પૂછપરછ કરી રહી છે. પોલીસ જાણવા માંગે છે કે અભિનેત્રી આત્મહત્યા માટે પોતે જવાબદાર હતી કે પછી તેને ઉકસાવવામાં આવી હતી. સૌજન્યાએ સ્યુસાઈડ નોટમાં એવુ પણ લખ્યું છે કે તેમને કોઈ બિમારી ન હતી. પરંતુ તે માનસિક પરેશાનીઓથી ઝઝૂમી રહી હતી. તેણે સ્યુસાઈડ નોટમાં બધાનો આભાર માન્યો છે, જેણે મુશ્કેલીના સમયમાં તેનો સાથ આપ્યો.

કન્નડ ઈન્ડસ્ટ્રીઝને લાગ્યો ઝાટકો

સૌજન્યાએ ઘણી જાણીતી ટેલિવિઝન સિરીયલ્સમાં કામ કર્યુ હતુ. તેણે ઘણી સાઉથ ઈન્ડિયન ફિલ્મોમાં પણ કામ કર્યુ છે. જેણે સૌજન્યા સાથે કામ કર્યુ છે, પોલીસ એવા લોકોને મળી પુરાવા એકત્રિત કરવાના પ્રયાસ કરી રહ્યું છે.