- અજય દેવગણે અમદાવાદમાં ચાર સ્ક્રીનવાળું મલ્ટીપ્લેકસ ખોલ્યું
- કંગનાએ શેર કર્યું તરણ આદર્શનું ટ્વીટ
- ટ્વીટમાં કરવામાં આવ્યા છે અજય દેવગણનાં વખાણ
કંગનાએ કર્યા અજય દેવગણના વખાણ
હાલમાં જ કંગના રનૌતે અજય દેવગણનાં વખાણ કર્યા છે. 15 સપ્ટેમ્બરનાં રોજ અજય દેવગણે અમદાવાદમાં ચાર સ્ક્રીનવાળું મલ્ટીપ્લેકસ ખોલ્યું છે, આવનાર સમયમાં જેમાં ફિલ્મો બતાવવામાં આવશે. આવામાં કંગનાએ તેમના આ પગલાના વખાણ કર્યા છે.
કંગનાએ સોશિયલ મીડિયા પર શેર કરી પોસ્ટ
થોડા સમય પહેલા જ કંગનાએ અજય પર તેમની ફિલ્મો ન કરવાનો આરોપ લગાવ્યો હતો. તેના અમુક મહિનાઓ બાદ જ હવે એક્ટ્રેસે અજય દેવગણનાં વખાણ કર્યા છે. કંગનાએ પોતાની ઇન્સ્ટાગ્રામ સ્ટોરી પર ટ્રેડ એનાલિસ્ટ તરણ આદર્શનું ટ્વીટ શેર કર્યું હતું, જેમાં લખ્યું હતું કે - આ સૌથી સારો અને સૌથી પ્રભાવી નિર્ણય છે, જેના માધ્યમથી એક સુપરસ્ટાર પોતાના પાવરનો ઉપયોગ કરી શકે છે. મલ્ટીપ્લેકસ ન માત્ર રોજગાર પૂરો પાડે છે, પણ આપણી સ્ક્રીનનાં નંબરોને પણ વધારે છે. ભારતમાં અત્યાર સુધી કુલ 7000 સ્ક્રીન છે, જ્યારે ચીનમાં 70000થી પણ વધારે સ્ક્રીન છે. આવામાં મલ્ટીપ્લેકસ ખોલવાનો નિર્ણય ખૂબ જ સારો છે. તમને અભિનંદન સર.
બાળકોના નામ પર અજયે ખોલ્યું મલ્ટીપ્લેકસ
ફિલ્મ એનાલિસ્ટ તરણ આદર્શે પોતાના સોશિયલ મીડિયા પર પોસ્ટ કરીને અમદાવાદની 4 સ્ક્રીન મલ્ટીપ્લેકસ વિષે જાણકારી આપી. તરણે ટ્વીટમાં લખ્યું કે અજય દેવગણે અમદાવાદમાં ચાર મલ્ટીપ્લેકસ ખોલ્યા છે, જે આમ્રકુંજમાં સ્થિત છે. થોડા વર્ષો પહેલા અજયે એનવાય સિનેમાની શરૂઆત કરી હતી, જ્યાર બાદ આણંદ, સૂરત અને રાજકોટમાં ઘણી બ્રાંચ ખુલી છે. આ મલ્ટીપ્લેકસ આ એનવાય સિનેમાનો ભાગ છે. જલ્દી જ આ 4 સ્ક્રીન મલ્ટીપ્લેકસને થ્રીડીમાં શરુ કરવામાં આવશે. જણાવી દઈએ કે આ મલ્ટીપ્લેકસનું નામ અજયે પોતાના બાળકોનાં નામ પર રાખ્યું છે.
