ઑફર / રિલાયન્સ જિયોનો નવો ધમાકો, એક સાથે મળશે 100 સેવાઓ

4G સિમ કાર્ડ અને 4G ફિચર ફોન પછી રિલાયન્સ જિયો હવે નવા ધમાકાની તૈયારીમાં છે. જિયો એમેઝોન અને ફ્લિપકાર્ટને ટક્કર આપવા માટે ઇ-કોમર્સ સેક્ટરમાં  નવી ઇનિંગની શરૂઆત કરવામાં જઇ રહ્યુ છે. રિપોર્ટ અનુસાર, રિલાયન્સ જિયો એક સુપર એપ પર કામ કરી રહ્યુ છે. જોકે નામ પરથી સ્પષ્ટ થઇ જશે કે, સુપર એપમાં 100 થી વધારે સેવાઓ એક જગ્યાએથી મળશે. 

સૌથી પહેલા જિયોના સબ્સક્રાઇબરની વાત કરીએ તો જિયોની પાસે આજે લગભગ 30 કરોડ સબ્સક્રાઇબર છે. આ તમામ યૂઝર્સને ડેટા અને અનલિમિટેડ કોલિંગન સુવિધા સાથે સાથે મળી રહી છે. હવે કંપનીની નજર ઑનલાઇન માર્કેટ પર છે. નિષ્ણાતો અનુસાર, સુપર એપની મદદથી જિયોને ઘણો ગ્રોથ મળશે. 

રિલાયન્સ ઇન્ડ્રસ્ટ્રીઝના ઇન્ટિલિજન્સ ગ્રુપના પ્રમુખે તાજેતરમાં જ કહ્યુ કે, ''જિયોએ રિલાયન્સને એક શક્તિશાળી સ્થિતિમાં લઇને ઉભુ રાખ્યુ છે. નવી સેવા એટલે કે સુપર  એપ કંપનીના ગ્રાહકોને એક જગ્યાએથી ઘણી સેવાઓ મળી જશે જે ઑનલાઇન કે ઑફલાઇન હશે.'' જિયોના સુપર એપમાં પેમેન્ટથી લઇને ખરીદી સુધીની સુવિધા એક જગ્યાએ મળશે. 

Deloitte ઇન્ડિયા અને રિટેલ એસોસિયેશન ઑફ ઇન્ડિયા રિપોર્ટ અનુસાર, ભારતમાં ઇકોમર્સ બજાર વર્ષ 2021 સુધી $84  બિલિયન ડૉલર એટલે કે 5,845 અબજ રૂપિયા હશે જે વર્ષ 2017માં $24 મિલિયન ડૉલર એટલે કે 1,670 અબજનું હતુ. 

તમને જણાવી દઇએ કે, ગત વર્ષે નવેમ્બરમાં રિલાયન્સ ઇન્ડસ્ટ્રીઝના ચેરમેન મુકેશ અંબાણીએ ઓડિશા ક્નક્લેવમાં કહ્યુ હતુ કે, ''કંપની દુનિયાનું સૌથી મોટુ ઑનલાઇન ટૂ ઑફલાઇન ઇકોમર્સ પ્લેટફોર્મ તૈયાર કરી રહી છે. '' તમને જણાવી દઇએ કે, 2019ના પહેલા ક્વાર્ટરમાં જિયોએ 64.7% નફો કર્યો છે.