ગ્રાહકો નિરાશ / JIO યુઝર્સને વધુ એક જોરદાર ઝટકો, કંપનીએ બંધ કર્યો તમારો ફેવરિટ પ્રિ-પેડ પ્લાન

• Jio કંપનીએ ગ્રાહકોને કર્યા નિરાશ
• બે પ્રીપેડ પ્લાન જીયોની વેબસાઈટ અને માય જીયો એપ પરથી ગાયબ
• ગ્રાહકોએ હવે ઓછામાં ઓછું 75 રૂપિયાનું રિચાર્જ કરાવવુ પડશે

જિયો કંપનીએ બે પ્રીપેડ પ્લાન બંધ કર્યા

આ ઉપરાંત કંપનીએ પોતાના બે મહત્વના પ્રીપેડ પ્લાન પણ બંધ કર્યા છે. 39 અને 69 રૂપિયાના પ્રી-પેડ પ્લાન જીયોની વેબસાઈટ અને માય જીયો એપ પરથી ગાયબ થઇ ગયા છે. આ બંને પ્લાન જીયો ફોન માટે હતા. જો ફાયદાની વાત કરીએ તો જિયો ફોનના 39 રૂપિયાવાળા પ્લાનમાં 100 એમબી ડેટા મળતો હતો અને 100 મેસેજ કરવાની સુવિધા મળતી હતી. આ ઉપરાંત આ પ્લાનની સમયમર્યાદા 14 દિવસની હતી. આ પ્લાનમાં દરેક નેટવર્ક પર અનલિમિટેડ કોલિંગની સુવિધા મળતી હતી. જ્યારે 69 રૂપિયાવાળા પ્લાનની સમયમર્યાદા પણ 14 દિવસની હતી અને તેમાં દરરોજ 0.5GB ડેટા મળતો હતો. આ પ્લાનની સાથે 39 રૂપિયાવાળા પ્લાનની દરેક સુવિધાઓ મળતી હતી.

ગ્રાહકોએ ઓછામાં ઓછા 75 રૂપિયાનું કરાવવુ પડશે રિચાર્જ

આ બંને પ્લાન હટ્યા બાદ જિયો ગ્રાહકોએ ઓછામાં ઓછા 75 રૂપિયાનું રિચાર્જ કરાવવુ પડશે. આ રિચાર્જની સમયમર્યાદા 28 દિવસની હશે અને તેમાં અનલિમિટેડ કોલિંગની સાથે દરરોજ 0.1GB+200MB ડેટા મળશે. કાયદાકીય રીતે જોઈએ તો હવે જિયો ફોન ગ્રાહકો માટે 14 દિવસનો કોઈ રિચાર્જ પ્લાન તૈયાર નથી. આ બંને પ્લાનને હટાવવાની સાથે Jioએ બાય વન ગેટ વન ફ્રી જિયો ફોન ઓફરને પણ ખત્મ કરી દીધી છે. આ ઓફર હેઠળ પહેલાં રિચાર્જ કરાવવાથી જિયો ફોન યૂઝર્સને બીજુ રિચાર્જ મફતમાં મળતુ હતુ.