- રીબડા ખાતે લેઉવા પટેલ સમાજનું સંમેલન યોજાયું
- સંમેલનમાં મોટી સંખ્યામાં પાટીદાર સમાજનાં લોકો ઉમટ્યા
- પાટીદાર સમાજના સંમેલનને જયરાજસિંહ જૂથનું સમર્થન
રાજકોટનાં રીબડામાં ગોંડલની ટીમ ગણેશ અને જય સરદાર યુવા ગ્રુપ દ્વારા લેઉવા પટેલ સમાજનું મહાસંમેલન યોજાયું હતું. આ પાટીદાર સમાજનાં સંમેલનને જયરાજસિંહ જૂથનું સમર્થન હતું. તેમજ આમંત્રણ પત્રિકામાં પણ જયરાજસિંહનાં દીકરા ગણેશનું નામ હતું. અનિરૂદ્ધસિંહનાં ગઢ રીબડામાં સંમેલનથી રાજકીય માહોલ ગરમાયો છે. ઉદ્યોગપતિ, અગ્રણીઓ અને રાજકીય આગેવાનોને આમંત્રણ આપવામાં આવ્યું હતું. જયરાજસિંહ જૂથ અને અનિરૂદ્ધસિંહ જૂથ વચ્ચે વિવાદ ચાલી રહ્યો છે. સંમેલન બાદ ગોંડલ-રીબડામાં નવા જૂની થાય તેવી ચર્ચાએ જોર પકડ્યું છે. સંમેલનમાં જમીન લે-વેચનાં વિવાદિત મુદ્દા પર ચર્ચા થઈ શકે છે. અગાઉ ઉદ્યોગપતિઓ આ બાબતે ગંભીર આરોપ કરી ચૂક્યા છે.
અહિયાં લુખ્ખો ઓ જમીનો લખવી લેતા હતાઃ અલ્પેશ ઢોલરિયા (જિલ્લા ભાજપ પ્રમુખ)
રીબડા ખાતે યોજાયેલા લેઉવા પટેલ સમાજનાં મહાસંમેલન કાર્યક્રમમાં જીલ્લા ભાજપ પ્રમુખ અલ્પેશ ઢોલરિયાએ નિવેદન આપ્યું હતું કે, લેઉવા પટેલનું સંમેલન છે અને 18 વર્ણનાં લોકો ઉમટ્યા છે. પહેલા અહીંયા કાયદો અને વ્યવસ્થાની હદ પૂરી થતી તેવી વાત સાંભળી હતી. ત્યારે હવે તે વાત ભૂંસાઈ ગઈ છે. હું 2012 માં જીપીપીમાં જોડાયો હતો. ત્યારે પટેલનાં દરેક સમાજનાં દરેક લોકો જીપીપીમાં જોડાઈ ગયા હતા. ચૂંટણીને પાંચ દિવસની વાર ગતી. અને એક દીકરીની જમીન 4 લુખ્ખાઓએ લખાવી લીધી હતી. 2012 માં 1.5 કરોડની દસ્તાવેજ તયેલ જમીન પરત અપાવી હતી. અહીંયા લુખ્ખાઓ જમીનો લખાવી લેતા હતા.
રીબડામાં ગુંડાગીરી નહી ચાલવા દઈએઃ જયરાજસિંહ
અનિરૂદ્ધસિંહ જાડેજા સામે રાજકીય તલવાર ખેંચતા જયરાજસિંહ જાડેજાએ નિવેદન આપ્યું હતું કે, જયરાજસિંહનો ઈશારો તમને કોંગ્રેસ પણ નહી સંઘરે જયરાજસિંહે દાવો કર્યો હતો કે હું કેશુબાપાનાં રસ્તે ચાલુ છે. રીબડામાં ગુંડાગીરી નહી ચાલવા દઈએ. અહીંયા પહેલા 1 કરોડમાં જમીન વેચાતી હતી. શાંતિ સ્થપાતા હવે 3 કરોડ રૂપિયામાં જમીન વેયાય છે. હવે રીબડામાં કોઈએ ભય સંકોચ રાખતા નહી. હું લોકોની ફરજ ક્યારેય નહી ચૂકું. ખોટો ચાળો આપણે કરવો નથી. જો કઈ ચાળો કરશે તો એની ભાષામાં જવાબ આપીશું.
સંમેલનમાં મોટી સંખ્યામાં પાટીદાર સમાજનાં લોકો ઉમટ્યા
રીબડા ખાતે લેઉવા પટેલ સમાજ નું મહાસંમેલનમાં મોટી સંખ્યામાં પાટીદાર સમાજનાં લોકો ઉમટ્યા હતા. આસંમેલનમાં ગોંડલનાં માજી ધારાસભ્ય જયરાજસિહ જાડેજા, રાજકોટનાં ધારાસભ્ય રમેશભાઈ ટીલાળા, સાંસદ રમેશભાઈ ધડુક, પ્રદેશ ભાજપ ઉપાધ્યક્ષ ભરતભાઇ બોઘરા, જીલ્લા ભાજપ પ્રમુખ અલ્પેશભાઈ ઢોલરીયા,નાગરીક બેંક ચેરમેન અશોકભાઈ પીપળીયા,સહકારી આગેવાન મગનભાઈ ઘોણીયા,કુરજીભાઈ ભાલાળા,ગોપાલભાઈ શિંગાળા, નગરપાલિકા પ્રમુખ મનીષભાઈ ચનિયારા, પ્રફુલભાઈ ટોળીયા સહિત આગેવાનો ઉપસ્થિત રહ્યા હતા.
