કાશ્મીરમાં છેલ્લા કેટલાક દિવસોથી હિમવર્ષા થઈ રહી છે. આ બરફવર્ષાથી લોકોનું જીવન વ્યથિત થઈ ગયું છે. ખીણના મેદાનોમાં 2 ફૂટથી વધુ બરફ જમીન પથરાઈ ગયો છે, જ્યારે જમ્મુ-કાશ્મીરની ઊંચી પહાડીઓમાં બરફવર્ષાના પગલે 4 ફૂટ સુધી બરફના થર જામ્યા છે. દરમિયાન સૈનિકોની આવી તસવીરો સામે આવી રહી છે, જેમાં તેઓ સામાન્ય લોકોને મદદ કરી રહ્યા છે.
જમ્મુ કાશ્મીરમાં સતત થઈ રહી છે બરફવર્ષા
સેનાના જવાનોએ સગર્ભા સ્ત્રીઓને કરી મદદ
બરફવર્ષાઓ વચ્ચેન પગપાળા ખેંચીને હોસ્પિટલ સુધી પહોંચાડી
આવી જ રીતે કુપવાડાના કરલપુરામાં સેનાના જવાનો એક સગર્ભા સ્ત્રીને તેના ઘરથી ખાટલા પર મુખ્ય માર્ગ સુધી લઈ જાય છે. 5 જાન્યુઆરીએ જવાન આ સગર્ભા સ્ત્રીને લગભગ 2 કિલોમીટર સુધી બરફમાં ચાલીને રસ્તા પર લાવ્યા હતા. ત્યારબાદ મહિલાને હોસ્પિટલમાં લઈ જવામાં આવી હતી જ્યાં બાદમાં તેણે એક છોકરાને જન્મ આપ્યો હતો.
J&K: Army troops at Karalpura in Kupwara, along with battlefield nursing assistant, carried a pregnant woman from her home to the main road on a cot - walking for about 2 km amid knee-deep snow on 5th Jan. She was then taken to a hospital where she later gave birth to a boy. pic.twitter.com/95M8bCBxOQ
સગર્ભા સ્ત્રીઓ, દર્દીઓની સહાય માટે વહીવટ આગળ આવ્યો
સરકારી વહીવટીતંત્રે ઘણી સગર્ભા સ્ત્રીઓ અને દર્દીઓને હોસ્પિટલમાં પહોંચવામાં મદદ કરી છે. પ્રશાસને લોકોને રાહત આપવા માટે તેના કર્મચારીઓ અને મશીનો તૈનાત કરી હતી, પરંતુ 72 કલાકથી વધુ સમય સુધી સતત બરફવર્ષાને કારણે બરફ કાઢવાની કામગીરીમાં વિક્ષેપ પડ્યો હતો. દક્ષિણ કાશ્મીરના વિસ્તારોમાં ભારે બરફવર્ષાને કારણે દર્દીઓ અને સગર્ભા સ્ત્રીઓને હંગામી સ્ટ્રેચર્સ પર હોસ્પિટલમાં લઈ જવી પડી હતી.
દક્ષિણ કાશ્મીરના શોપિયાં જિલ્લામાં ભારે બરફ વર્ષા વચ્ચે એક મહિલાએ હંગામી સ્ટ્રેચર પર બાળકને જન્મ આપ્યો. અધિકારીઓએ જણાવ્યું હતું કે છેલ્લા ચાર દિવસમાં બે ડઝનથી વધુ સગર્ભા સ્ત્રીઓને સુરક્ષિત રીતે કાઢી લેવામાં આવી હતી અને કાશ્મીર ખીણના વિવિધ વિસ્તારોની હોસ્પિટલોમાં લઈ જવામાં આવી હતી, એમ અધિકારીઓએ જણાવ્યું હતું.
ભારે બરફવર્ષાથી પ્રભાવિત દરેક વસ્તુ
શ્રીનગર-જમ્મુ હાઇવે બુધવારે સતત પાંચમાં દિવસે બંધ રહ્યો હતો. શ્રીનગર એરપોર્ટથી પાંચ દિવસ બાદ હવાઈ મુસાફરી ફરી શરૂ થઈ. ખીણના મુખ્ય માર્ગોને ટ્રાફિક માટે ખોલવા માટે ઝડપી કામગીરી ચાલી રહી છે. વળી, મોટાભાગના ગ્રામીણ વિસ્તારો હાલમાં સંપર્ક વિહોણા થઈ ગયા છે. ગ્રામીણ વિસ્તારોમાં વીજળીનો પુરવઠો લોકો માટે મુશ્કેલ છે. હવામાન કચેરીએ જણાવ્યું છે કે 14 જાન્યુઆરી સુધી હવામાન શુષ્ક રહેવાની સંભાવના છે.