- MI vs RCBની મેચનો વીડિયો વાયરલ
- વિરાટ કોહલીની વોઈસ ક્લિપ વાયરલ
- બોલરને ગાઈડ કરી રહ્યાં છે વિરાટ
બેંગલોર: રોયલ ચેલેન્જર્સ બેંગલોરએ IPL 2023માં પોતાની શરૂઆત જીતની સાથે કરી. તેણે રવિવારે 1 એપ્રિલનાં રોજ મુંબઈ ઈન્ડિયન્સને 8 વિકેટથી માત આપી. પાંચ વખત ચેમ્પિયન બનેલી મુંબઈ સતત 11મી વખત સીઝનની પહેલી મેચ હારી છે. મેચ જીત્યાં બાદ વિરાટ કોહલી અને રોહિત શર્માનો એક વીડિયો સામે આવ્યો છે. આ વીડિયો સોશિયલ મીડિયામાં ઘણો ચર્ચામાં છે.
વીડિયો થયો વાયરલ
રોહિત શર્મા ઈનિંગનો પોતાનો પહેલો બોલ હીટ કરે છે ત્યારે સ્ટમ્પનાં માઈકએ કોહલીનો અવાજ રેકોર્ડ કર્યો છે. જેમાં વિરાટ કોહલી બોલર મહોમ્મદ શીરાજને કહે છે, "માર-હેલ્મેટ પર માર તેના.."
હવે અનેક લોકો એવું માની રહ્યાં છે કે કોહલીનાં શબ્દો અનુચિત હતાં. તો કેટલાક લોકો કહી રહ્યાં છે કે વિરાટ રોહિત માટે નહીં પરંતુ ઈશાન કિશન માટે બોલી રહ્યાં છે જે સ્ટ્રાઈક પર છે. પરંતુ વિરાટે જે કહ્યું છે તેનો અર્થ બાઉન્સર ફેંકવાનો થાય છે.
8 વિકેટથી મળી જીત
રવિવારની આ મેચમાં 172 રનનાં લક્ષ્યને પહોંચી વળવા માટે ઊતરેલી બેંગલોરની ટીમ માટે વિરાટ કોહલીએ 49 બોલ પર 82 અને કેપ્ટન ફાક ડુપ્લેસિસે 43 બોલમાં 73 રન બનાવ્યાં. બંનેએ પહેલી વિકેટ માટે 148 રન બનાવ્યાં હતાં. વિરાટ કોહલી અને રોહિત શર્મા બંનેને T20 વર્લ્ડ કપ ઓસ્ટ્રેલિયા જે નવેમ્બરમાં થઈ હતી તેના બાદથી તેઓએ એકપણ સિંગલ ભારત માટે રમી નથી. હાર્દિક પંડ્યાની કેપ્ટનશીપ આવ્યાં પછી એવું લાગી રહ્ટયું છે કે T20Iનાં દ્વાર હવે કોહલી અને રોહિત માટે બંધ થયાં છે.
