લો બોલો! / KL Rahul IPL 2022: 17 કરોડથી પણ મન નથી ભરાતું, KL રાહુલે IPLની વચ્ચે કરી દીધી સેલેરી વધારવાની માંગ

• KL રાહુલે કરી પગાર વધારવાની વાત 
• સૌથી વધારે પેઈડ ક્રિકેટર છે ટીમનો
• KKR સામેની મેચ બાદ આવી વાત કરી

IPL 2022માં લખનૌઉ સુપર જાયન્ટ્સના કેપ્ટન કેએલ રાહુલ સૌથી વધુ કમાણી કરનાર ખેલાડી છે. રાહુલને લખનૌઉ સુપર જાયન્ટ્સે રૂ. 17 કરોડમાં ડ્રાફ્ટ કર્યો હતો. ગત સિઝન સુધી રાહુલ પંજાબ કિંગ્સનો ભાગ હતો. ત્યાં તેને રમવા માટે 11 કરોડ મળતા હતા. સૌથી વધુ પગાર મેળવનાર ખેલાડી હોવા છતાં રાહુલે કોલકાતા સામેની મેચ બાદ સેલેરી વધારવાની માંગ કરી છે. 

વધુ પૈસા મળવા જોઈએ
કોલકાતા નાઈટ રાઈડર્સ અને લખનૌ સુપર જાયન્ટ્સ (KKR vs LSG) વચ્ચેની મેચ ખૂબ જ રોમાંચક રહી હતી. મેચના છેલ્લા બોલ પર તેનું પરિણામ આવ્યું. મેચ બાદ રાહુલે ઈન્ટરવ્યુમાં હસીને કહ્યું કે આવી મેચ માટે તેને વધુ પૈસા મળવા જોઈએ. 

રાહુલે કહ્યું, 'મને કદાચ આવી મેચ માટે વધુ ચૂકવણી આપવી જોઈએ. અમે આ સિઝનમાં આવી મેચોથી ચૂકી ગયા હતા. આવી બધી મેચો નથી હોતી જે છેલ્લા બોલ સુધી રમાતી હોય. કદાચ અમુક એવી પણ જે છેલ્લી ઓવર સુધી હોય.'

આ મેચથી શીખવા મળ્યુ 
કેએલ રાહુલ કહે છે કે 'આ પ્રકારની મેચમાં ટીમને ઘણું શીખવા મળ્યું. તેણે કહ્યું, 'ટાઈમઆઉટ દરમિયાન એકમાત્ર વસ્તુ હતી કે તમારે બેસ્ટ બોલ ફેંકવાનો પ્રયાસ કરવાનો હતો. જે ટાઈમે અમે આ પ્લાનિંગથી ભટકી ગયા બેટ્સમેન માટે રમવું સરળ બની ગયું. અમારા માટે આ સારી સીખ હતી. આવી જીત ટીમને એકસાથે રાખવામાં મદદ કરે છે.'

આ સિઝનમાં શાનદાર રહી કેપ્ટનસી
રાહુલ છેલ્લી બે સિઝનમાં પંજાબ કિંગ્સનો કેપ્ટન હતો, પરંતુ ટીમ એક વખત પણ પ્લેઓફમાં પહોંચી શકી નહોતી. તેની કેપ્ટનસી પર પણ સવાલો ઉઠી રહ્યા હતા. દક્ષિણ આફ્રિકાના પ્રવાસ પર વન ડેમાં તે ભારતીય ટીમનો કેપ્ટન હતો અને ટીમ 3-0થી સીરીઝ હારી ગઈ હતી. 

આ બધાની વચ્ચે બધાની નજર IPLમાં તેની કેપ્ટનસી પર હતી. અહીં તેની ટીમ પ્લેઓફમાં પહોંચી ગઈ છે. ઘણી તકો પર કેએલ રાહુલે ટીમ માટે મેચ બદવાના નિર્ણયો લીધા છે. જેના કારણે તેના ખૂબ વખાણ થઈ રહ્યા હતા.