ક્રિકેટ / IPL FINAL: આજે મેદાનમાં ઉતરતા જ ધોની બનાવશે આ વર્લ્ડ રેકૉર્ડ, કોહલી-શર્મા તો વિચારી પણ નહીં શકે

• આજે CSK અને KKR વચ્ચે IPL ની ફાઇનલ 
• નવમી વાર ફાઇનલની મેચ રમશે CSK 
• ધોની બનાવવા જઈ રહ્યા છે મોટો રેકોર્ડ 

આજે CSK ઉતરશે ફાઇનલમાં
મહેન્દ્ર સિંહ ધોનીએ ગયા વર્ષે જ ઇન્ટરનેશનલ ક્રિકેટમાંથી સંન્યાસ લઈ લીધો હતો, જોકે હજુ તો CSK ના સુકાની છે ત્યારે આજે IPLની ફાઇનલ મેચમાં ધોની એવો રેકોર્ડ બનાવવા જઈ રહ્યા છે જે મોટા મોટા ક્રિકેટરો માટે સપના સમાન કહી શકાય. આજે ધોનીની કેપ્ટનશિપમાં નવમી વાર IPL ફાઇનલમાં પહોંચી ગઈ છે CSK.

કયો રેકોર્ડ બનાવશે ધોની 
નોંધનીય છે કે આજે CSKનાં કેપ્ટન તરીકે મેદાનમાં ઉતરવા જઈ રહેલા ધોની T 20 ક્રિકેટમાં ત્રીજી સદી પૂરી કરશે. T 20 મેચમાં કેપ્ટન તરીકે આજે ધોનીની 300મી મેચ છે. આવું આજ સુધી દુનિયાના કોઈ ખેલાડીએ કરી શક્યું નથી. આ રેકોર્ડમાં બીજા નંબર પર ડેરેન સમી છે, જેમણે 208 મેચમા કેપ્ટનશીપ કરી છે. નોંધનીય છે કે આ મામલે વિરાટ કોહલી ત્રીજા નંબર પર આવે છે. વિરાટ કોહલીએ RCB અને ભારતની કેપ્ટન તરીકે કુલ 185 મેચમા કેપ્ટનશીપ કરી છે. જોકે કોહલીએ હવે આ વર્ષે જ ટીમ ઈન્ડિયા અને RCBની કેપ્ટનશીપ છોડી દેવાનું એલાન કરી દીધું છે. 

ધોનીની કેપ્ટનશિપમાં જીત્યા વર્લ્ડ કપ 
બીજી તરફ મહેન્દ્ર સિંહ ધોનીની આગેવાનીમાં નવમી વાર CSK ફાઇનલમાં મેચ રમશે, આ પણ એક મોટો રેકોર્ડ છે. CSKએ તરન વાર IPL ટ્રોફી જીતી છે. ધોનીના સુકાનીમાં ટીમ ઈન્ડિયાએ પણ મોટા કમાલ કર્યા છે. ધોનીની કેપ્ટનશિપમાં ટીમ ઈન્ડિયાએ T 20 અને 50 ઓવર વર્લ્ડ કપ જીત્યો હતો. 2013માં ધોની કેપ્ટન હતા તે સમયે જ ચેમ્પિયન્સ ટ્રોફી પણ ભારતે જીતી હતી.