સોમવારે શેરબજારમાં જોવા મળેલ ઐતિહાસિક ઘટાડા બાદ આજરોજ શેરબજાર રેડ ઝોનમાં ખુલ્યું હતું. બોમ્બે સ્ટોક એક્સચેંજનો પ્રમુખ ઇંડેક્સ સેન્સેક્સ 226.91 એટલે કે 0.64 ટકા ઘટાડા બાદ 35,408.04 સ્તર પર ખૂલેલો જોવા મળ્યો. જ્યારે નેશનલ સ્ટોક એક્સચેંજનો પ્રમુખ નિફ્ટી 68.95 પોઇન્ટ એટલે કે 0.66 ટકાના ઘટાડા સાથે 10,382.50ના સ્તર પર ખુલેલો જોવા મળ્યો. કોરોના વાયરસના ડરના કારણે આ ઘટાડો જોવા મળી રહ્યો છે. ગઇકાલે મંગળવારના રોજ ધૂળેટીના તહેવારને લઇને માર્કેટ બંધ હતું.
બુધવારે ફરી રેડઝોનમાં ખુલ્યું શેરમાર્કેટ
સેન્સેક્સમાં 226.91 પોઇન્ટનો જોવા મળ્યો ઘટાડો
યસ બેંક અને SBI શેર માં જોવા મળ્યો વધારો
આવી રહી દિગ્ગજ શેરની હાલત
દિગ્ગજ સ્ટોકની વાત કરીએ તો આજે રિલાયન્સ, ONGC, SBI, ભારતી એરટેલ, એશિયન પેઇન્ટસ, બજાજ ઓટો, અદાણી પોર્ટસ, NPTC અને હિરો મોટોકૉર્પ ગ્રીન ઝોન પર ખુલ્યું. જ્યારે હિંડાલ્કો, ટેક મહિંન્દ્રા, ઇન્ફોસિસ, ગેલ, વિપ્રો, યુપીએલ, TCS, સિપ્લા અને હિંદુસ્તાન યૂનિલીવરના શેર રેડ ઝોન પર ખુલ્યાં.
યસ બેંકની શેરની કિંમતમાં થયો વધારો
યસ બેંકની શેરમાં 3.15 અંક એટલે કે 14.82 ટકાનો વધારો જોવા મળ્યો. રોકડ સંકટથી ઝઝૂમી રહેલ આ બેંકમાં SBI એ 2,450 કરોડ રૂપિયામાં 49 ટકા ભાગીદારી અંગેની વાત કરી છે, જેને લઇને આ તેજી જોવા મળી.
સેક્ટોરિયલ ઇન્ડેક્સ પર નજર નાંખો તો આજે PSU બેંક અને ખાનગી બેંકના વધારાના બધા સેકટર રેડ ઝોન પર ખુલ્યાં. જેમાં મીડિયા, IT, ફાર્મા, FMCG, રિયલ્ટી, ઓટો અને મેટલ સામેલ છે.
પ્રી ઓપન દરમિયાન શેર માર્કેટની હાલત આવી હતી
પ્રી ઓપન દરમિયા સવારે 9-10 વાગે શેર માર્કેટ રેડ ઝોન પર હતું. સેન્સેક્સ 166.05 પોઇન્ટ 0.47 ટકા ઘટાડા બાદ 35,468.90 ના પોઇન્ટ પર હતું. જ્યારે નિફ્ટી 117.15 પોઇન્ટ એટલે કે 1.12 ટકા ઘટાડા બાદ 10,334.30 પોઇન્ટ પર હતું.
ડૉલરની સરખામણીએ 73.81 સ્તર પર ખુલ્યો રૂપિયા
ડૉલરની સરખામણીએ આજે રૂપિયો 27 પૈસા મજબુતી સાથે 73.81 સ્તર પર ખુલ્યો. ગત કારોબારના દિવસે ડૉલરની સરખામણીએ રૂપિયો 74.08 ના સ્તર પર બંધ થયો હતો.