ભારત અને ઈંગ્લેન્ડની વચ્ચે પાંચ મેચોની શ્રેણીની પહેલી T20 મેચ અમદાવાદના નરેન્દ્ર મોદી સ્ટેડિયમમાં રમાઈ હતી. જેમાં ઈંગ્લેન્ડે ભારત સામે આસાનીથી જીત મેળવી હતી.
પ્રથમ મૅચમાં ઈંગ્લેન્ડની આસાન જીત
ભારતનો ટૉપ ઓર્ડર ફ્લોપ, વિરાટ કોહલી શૂન્ય પર આઉટ
અમદાવાદના નરેન્દ્ર મોદી સ્ટેડિયમમાં પહેલી આંતરરાષ્ટ્રીય T20 મેચ
ઇંગ્લેન્ડે નરેન્દ્ર મોદી સ્ટેડિયમ, મોટેરા, અમદાવાદમાં રમાયેલી ટી -20 મેચમાં ભારતને 8 વિકેટથી હરાવ્યું હતું. પ્રથમ બેટિંગ કરતા ભારતે 20.0 ઓવરમાં 7 વિકેટ ગુમાવીને 124 રન બનાવ્યા હતા. તેના જવાબમાં ઇંગ્લેન્ડની ટીમે 125 રનના લક્ષ્યાંકનો પીછો કરતાં 15.3 ઓવરમાં 2 વિકેટના નુકસાન પર 130 રન બનાવ્યા હતાં.
ઈંગ્લેન્ડની સારી શરૂઆત
ભારતે આપેલા 125 રનના લક્ષ્યાંકની સામે ઓપનિંગ જોડી જોસ બટલર અને જેસન રોય મજબૂત અને ઝડપી શરૂઆત કરી હતી. જો કે યજુવેન્દ્ર ચહલે જોસ બટલર (28)ની વિકેટ લેતા ઈંગ્લેન્ડને પ્રથમ નુકસાન થયું હતું. ત્યાર બાદ વૉશિંગ્ટન સુંદરની 12મી ઓવરમાં જેસન રૉય 49 રન પર LBW આઉટ થયો હતો. ઈંગ્લેન્ડે 11.1 ઓવરમાં 2 વિકેટના નુકસાન પર 89 રન બનાવ્યાં હતાં. બાદમાં ડેવિડ મલાન (24) અને જૉની બેયરસ્ટો (26) રન બનાવી નોટ આઉટ રહીને પોતાની ટીમને જીત અપાવી હતી.
ભારતના ટૉપ બેટ્સમેનો રહ્યાં ફ્લોપ
ધરખમ બેટિંગ લાઇન અપ અને ઘરઆંગણાના મેદાનનું ફૂલ સપોર્ટ ધરાવતી ટીમ ઈન્ડિયાની શરૂઆત જોકે સારી રહી નહોતી અને ભારતે સૌથી પહેલી બે વિકેટના રૂપમાં કેપ્ટન વિરાટ કોહલી અને ઓપનર કે એલ રાહુલની વિકેટો સસ્તામાં ગુમાવી દીધી હતી, મહત્વનું છે કે આ બંને વિકેટ પહેલા ૨૦ રનની અંદર જ ગુમાવી દીધી હતી.
જો કે આના પછી વિકેટકીપર રિષભ પંત અને શિખર ધવને બાજીને સંભાળવાની કોશિશ કરી હતી અને સ્કોરને આગળ ધપાવ્યો હતો પરંતુ શિખર ધવન પણ ૧૨ બોલ રમીને માત્ર ૪ રન જ નોંધાવી શક્યો હતો અને રિષભ પંત પણ ૨૧ રનના અંગત સ્કોરે સ્ટોક્સની બોલિંગમાં બેરિસ્ટરોના હાથે કેચ આઉટ થયો હતો. જો કે છેલ્લી અપડેટ સુધીમાં મિડલ ઓર્ડરના શ્રેયસ ઐય્યર અને હાર્દિક પંડયાએ બાજીને સંભાળી હતી. જો કે શ્રેયસ અય્યરના ૬૭ અને હાર્દિક પંડયાના ૧૯ રનની મદદથી ભારત ૧૦૦નો સ્કોર પાર કરી શક્યું હતું અને ભારતનો દાવ ૨૦ ઓવરના અંતે ૭ વિકેટના નુકસાન પર ૧૨૪ રન નોંધાયો છે. ઇંગલેંડને ૧૨૫ રનનો લક્ષ્યાંક આપવામાં આવ્યો છે.