ચિંતાજનક / કોરોનાની ખતરનાક ગતિ : 24 કલાકમાં નોંધાયા 2 લાખ 82 હજારથી વધુ નવા કેસ, એક્ટિવ કેસનો આંક 18 લાખને પાર

• દેશમાં દૈનિક પોઝિટીવી રેટ 15.13 % પર પહોંચ્યો 
• એક્ટિવ કેસનો આંક વધીને 18.31 લાખ પર પહોંચ્યો 
• અત્યાર સુધીમાં 158 કરોડથી વધુ ડોઝ આપવામાં આવ્યા છે

India reports 2,82,970 COVID cases (44,889 more than yesterday), 441 deaths, and 1,88,157 recoveries in the last 24 hours.

Active case: 18,31,000
Daily positivity rate: 15.13%

8,961 total Omicron cases detected so far; an increase of 0.79% since yesterday pic.twitter.com/Fz8ZfjplTF

— ANI (@ANI) January 19, 2022

દેશમાં દૈનિક પોઝિટીવી રેટ 15.13 % પર પહોંચ્યો 

દેશમાં જીવલેણ કોરોના વાયરસ રોગચાળાની ગતિ બેકાબૂ બની રહી છે. આ સાથે, કોરોનાના સૌથી ખતરનાક પ્રકાર ઓમિક્રોનના કેસ પણ ઝડપથી વધી રહ્યા છે. છેલ્લા 24 કલાકમાં દેશમાં કોરોના વાયરસના બે લાખ 82 હજાર 970 નવા કેસ નોંધાયા છે અને 441 લોકોના મોત થયા છે.  

એક્ટિવ કેસનો આંક વધીને 18.31 લાખ પર પહોંચ્યો 

કેન્દ્રીય સ્વાસ્થ્ય મંત્રાલય દ્વારા જારી કરવામાં આવેલા આંકડા અનુસાર, હવે દેશમાં સક્રિય કેસની સંખ્યા વધીને 18 લાખ 30 હજાર થઈ ગઈ છે. બીજી બાજુ, આ રોગચાળાને કારણે જીવ ગુમાવનારા લોકોની સંખ્યા વધીને 4 લાખ 87 હજાર 202 થઈ ગઈ છે. માહિતી અનુસાર, ગઈકાલે એક લાખ 88 હજાર 157 લોકો સાજા થયા હતા, આમ અત્યાર સુધીમાં 3 કરોડ 55 લાખ 83 હજાર 39 લોકો સંક્રમણ મુક્ત થઈ ગયા છે.

અત્યાર સુધીમાં 158 કરોડથી વધુ ડોઝ આપવામાં આવ્યા છે

દેશવ્યાપી રસીકરણ અભિયાન હેઠળ, અત્યાર સુધીમાં એન્ટી-કોરોનાવાયરસ રસીના 158 કરોડથી વધુ ડોઝ આપવામાં આવ્યા છે. ગઈકાલે 76 લાખ 35 હજાર 229 ડોઝ આપવામાં આવ્યા હતા, આમ અત્યાર સુધીમાં રસીના 158 કરોડ 88 લાખ 47 હજાર 554 ડોઝ આપવામાં આવ્યા છે.

દેશમાં અત્યાર સુધીમાં ઓમિક્રોનના 8961 કેસ નોંધાયા છે

દેશમાં અત્યાર સુધીમાં 8 હજાર 961 લોકો ઓમિક્રોન વેરિઅન્ટથી સંક્રમિત થયા છે. જેમાં સૌથી વધુ કેસ મહારાષ્ટ્ર અને રાજધાની દિલ્હીમાં છે. ઈન્ડિયન કાઉન્સિલ ઓફ મેડિકલ રિસર્ચ (ICMR) એ માહિતી આપી છે કે ગઈકાલે (મંગળવાર) ભારતમાં કોરોના વાયરસ માટે 18 લાખ 69 હજાર 642 સેમ્પલ ટેસ્ટ કરવામાં આવ્યા હતા, જ્યારે અત્યાર સુધીમાં કુલ 70 કરોડ 74 લાખ 21 હજાર 650 સેમ્પલ ટેસ્ટ કરવામાં આવ્યા છે.