અરવલ્લી: હવે અરવલ્લીમાં પણ ડેન્ગ્યુનો કહેર જોવા મળ્યો છે. અરવલ્લીમાં છેલ્લા 3 દિવસમાં ડેન્ગ્યુના 10થી વધુ કેસ નોંધાતા આરોગ્ય તંત્ર દોડતું થઈ ગયું છે. અરવલ્લી જિલ્લામાં ડેન્ગ્યુના જે કેસ નોંધાયા છે તેમાં બાળકોને સૌથી વધુ અસર થઈ હોવાનું સામે આવ્યું છે.
અરવલ્લી જિલ્લામાં રોગચાળો ન વકરે તે માટે આરોગ્ય વિભાગની ટીમ અત્યારથી જ એલર્ટ થઈ ગઈ છે. રોગચાળાને ફેલાતો અટકાવવા માટે અરવલ્લી જિલ્લામાં ઠેર ઠેર ફોંગીગ કરવામાં આવી રહ્યું છે. તો હોસ્પિટલોમાં એડમિટ દર્દીઓના બ્લડ સેમ્પલ લઈ તેને પરિક્ષણ માટે પણ મોકલી દીધા છે.
#Aravalli જિલ્લામાં #dengue ને લઇ તંત્ર હરકતમાં આરોગ્ય વિભાગ દ્વારા સર્વે હાથ ધરવામા આવ્યો 3 દિવસમાં 10થી વધુ ડેન્ગ્યુના કેસ નોંધાયા
બાળકોમાં ડેન્ગ્યુની સૌથી વધુ અસર pic.twitter.com/zY49GbIpOP
ડેન્ગ્યુના લક્ષણો
ડેન્ગ્યુના લક્ષણોમાં તાવ આવવો માથુ દુઃખે સ્નાયુ-સાંધા અને હાડકાનો સતત દુઃખાવો થવો. કળતર થવી ઓરી નીકળે ત્યારે શરીર ઉપર લાલ ચાઠા (રેશ) થાય.
આરામ અને સામાન્ય લક્ષણોની સારવારથી મોટે ભાગે મટી જાય પણ કેટલાકમાં 'ડેન્ગ્યુ હેમરેજીક ફિવર' થાય તે ખતરનાક પરિસ્થિતિ છે. આ તમામ લક્ષણો જણાય તો વ્યક્તિએ તાત્કાલિક અસરથી નજીકના દવાખાનાનો સંપર્ક કરવો જોઇએ.