ગુજરાત કોંગ્રેસમાં સિનિયર નેતાઓના શિરે ફરી જવાબદારી

ગુજરાત પ્રદેશ કોંગ્રેસમાં યુવા નેતાગીરી આવ્યા બાદ સીનીયર નેતાઓની અવગણના થઇ રહી હોવાની અનેક ફરિયાદો બાદ કોંગ્રેસની કો-ઓર્ડીનેશન કમિટી દ્વારા સિનિયરોને જવાબદારી સોંપવાનો મહત્વપૂર્ણ નિર્ણય લેવામાં આવ્યો છે.

ગુજરાત કોંગ્રેસના સીનીયર નેતાઓને લોકસભાની બેઠકોના પ્રભારી બનાવવાનો નિર્ણય પ્રદેશ કોંગ્રેસ દ્વારા લેવામાં આવ્યો છે. જેમને લોકસભાની બેઠકો માટેની તૈયારીઓ સ્થાનિક પરિસ્થિતિ અને સંગઠનના તમામ કામો પર નજર રાખવાની રહેશે.

હાલમાં કોંગ્રેસના શક્તિ પ્રોજેક્ટ જનમિત્ર સહિતના અનેક કાર્યક્રમો ચાલી રહ્યા છે જે તમામની જવાબદારી અલગ અલગ નેતાઓને આપવામાં આવી છે

જેના બદલે હવે તમામ જવાબદારી પ્રભારીને આપીને તેમની નીચે સમગ્ર ટીમ તૈયાર કરવાનો નિર્ણય પ્રદેશ કોંગ્રેસ દ્વારા લેવામાં આવ્યો છે.