Budget 2022 / બજેટમાં મોદી સરકારની હાઈસ્પીડ ગિફ્ટ: રેલવે અને હાઈવે માટે કરાઇ મોટી જાહેરાત

• નાણામંત્રી બજેટમાં રેલવે માટે મોટી જાહેરાત કરી  
• દેશમાં આગામી 3 વર્ષો માં 400 વંદે ભારત ટ્રેન દોડશે  
• તેમજ 100 કાર્ગો ટર્મિનલની બનાવવામાં આવશે  

400 new generation Vande Bharat trains with better efficiency to be brought in during the next 3 years; 100 PM Gati Shakti Cargo terminals to be developed during next 3 years and implementation of innovative ways for building metro systems...: FM Nirmala Sitharaman

#Budget2022 pic.twitter.com/ANh5xJQFT1

— ANI (@ANI) February 1, 2022

 ગતિ શક્તિ યોજના હેઠળ રેલ્વેને પ્રોત્સાહન

નાણામંત્રી નિર્મલા સીતારમણે સામાન્ય બજેટ રજૂ કર્યું છે. બજેટ રજૂ કરતા નાણામંત્રીએ કહ્યું કે આપણે આઝાદીના 75માં વર્ષમાં છીએ. આ બજેટમાં આગામી વર્ષો માટેની બ્લુ પ્રિન્ટ છે. આ દરમિયાન તેમણે રેલવે માટે એક મોટી જાહેરાત પણ કરી હતી. તેમણે કહ્યું કે અમે આગામી 3 વર્ષમાં 400 નવી પેઢીની વંદે ભારત ટ્રેનો દોડાવીશું. નાણામંત્રીએ કહ્યું કે આગામી 3 વર્ષમાં 400 નવી પેઢીની વંદે ભારત ટ્રેન વધુ સારી ક્ષમતા સાથે ચલાવવામાં આવશે. આગામી 3 વર્ષ દરમિયાન, 100 PM ગતિ શક્તિ કાર્ગો ટર્મિનલ વિકસાવવામાં આવશે અને મેટ્રો સિસ્ટમના નિર્માણ માટે નવી પદ્ધતિઓ અપનાવવામાં આવશે. આ સાથે આગામી 3 વર્ષ દરમિયાન  100 પ્રાઈમ ડાયનામિક કાર્ગો ટર્મિનલનું પણ નિર્માણ કરાશે. આ મેટ્રો સિસ્ટમના નિર્માણ કરવા માટે ખાસ નવીન રસ્તાઓ પણ બનાવાશે.

એક વર્ષમાં 25000 કિમી હાઇવેનું નિર્માણ

આ સાથે આગામી 100 વર્ષ માટે માળખાકીય વિકાસ માટેના રોડમેપ પર કામ કરવામાં આવી રહ્યું છે. એક વર્ષમાં 25 હજાર કિમીનો હાઇવે બનશે. હાઈવેના વિસ્તરણ પર 20 હજાર કરોડ રૂપિયાનો ખર્ચ થશે. નાણાકીય વર્ષ 2022-23માં 8 નવા રોપવેનો ઓર્ડર આપવામાં આવશે. રોપ-વેનો ઓર્ડર પીપીપી મોડલ પર આપવામાં આવશે.