- તાલુકા પંચાયતની ચૂંટણીમાં કોંગ્રેસ પક્ષનાં આદેશનાં ઉલ્લંઘન બાદ કાર્યવાહી
- પ્રદેશ પ્રમુખ શક્તિસિંહ ગોહિલે 34 સભ્યોને કર્યા સસ્પેન્ડ
- તા. પંચાયતનાં 34 સભ્યોને 6 વર્ષ માટે કર્યા કરાયા સસ્પેન્ડ
તા. પંચાયતના 34 સભ્યોને 6 વર્ષ માટે તાત્કાલિક સસ્પેન્ડ કરાયા
રાજ્યમાં થોડા દિવસ અગાઉ પાલિકા, જીલ્લા પંચાયત તેમજ તાલુકા પંચાયતોમાં ચૂંટાયેલા સભ્યોની અઢી વર્ષની ટર્મ પૂર્ણ થતી હોઈ નવા પ્રમુખો, ચેરમેન તેમજ ઉપપ્રમુખોની વરણી કરવામાં આવી હતી. ત્યારે કોંગ્રેસ પક્ષ દ્વારા તાલુકા પંચાયતની ચૂંટણીમાં કોંગ્રેસ પક્ષનાં આદેશનાં ઉલ્લંઘન બદલ કાર્યવાહી કરવામાં આવી છે. પ્રદેશ પ્રમુખ શક્તિસિંહ ગોહિલે 34 સભ્યોને સસ્પેન્ડ કર્યા છે. તાલુકા પંચાયતનાં 34 સભ્યોને 6 વર્ષ માટે તાત્કાલિક સસ્પેન્ડ કરાયા છે. જેમાં ગારીયાધાર, કલોલ, અબડાસા, લખતર, સરસ્વતી, સિદ્ધપુર, વિસનગર, નડિયાદ, માતર, મહુવા તાલુકા પંચાયતોનાં સભ્યો પર કાર્યવાહી કરવામાં આવી છે.
ભાજપ દ્વારા અનેક હથટંડા અપનાવ્યાઃ શક્તિસિંહ ગોહિલ
આ બાબતે પ્રદેશ પ્રમુખ શક્તિસિંહ ગોહિલે જણાવ્યું હતું કે, આનંદ છે કે ગુજરાતમાં મોટા ભાગનાં કોંગ્રેસનાં ચૂંટાયેલા પ્રતિનિધિઓએ ભારતીય જનતા પાર્ટીનાં અનેક પ્રલોભનો સામ દામ દંડ અને તેનાથી નીચે લોકશાહીમાં જે માન્ય નથી તેવા હથટંડા કર્યા. ખોટા કેસ, બસમાંથી ઉઠાવી જવા. કલોલમાં જોયું સ્પષ્ટ બહુમતી હતી અમારી. આ બધા જ ધંધા કર્યા હોવા છતાં મોટા ભાગે કોંગ્રેસનાં ચૂંટાયેલા પ્રતિનિધિઓ ઝુક્યા નથી. જસદણમાં પણ અનેક હથટંડા થયા છતાં જસદણમાં કોંગ્રેસની તાલુકા પંચાયત બેઠી છે. અમુક જગ્યાએ કેટલાક લોકોને કોંગ્રેસની વિરૂદ્ધ મતદાન કર્યું છે. તેવા લોકોને છ વર્ષ માટે પાર્ટી સસ્પેન્ડ કરી રહી છે.
