નનામો / નર્મદામાં MP-MLAના હપ્તારાજ અંગે સામસામેના આક્ષેપો વાયરલ થાય હડકંપ, નામોનો ઉલ્લેખ થતાં આપી ખુલ્લી ચેલેન્જ

• નર્મદા જિલ્લામાં નેતાઓ હપ્તા ઉઘરાવતો નનામો પત્ર વાયરલ થયો હતો
• ભાજપના સાંસદ મનસુખ વસાવાએ નનામા પત્રને સાચો ગણાવ્યો
• નનામાં પત્રમાં ભાજપ અને આપના નેતાઓનો ઉલ્લેખ

નર્મદામાં નેતાઓના હપ્તારાજનો પર્દાફાશ થતાં હડકંપ મચી જવા પામ્યો છે. MP-MLAના હપ્તારાજ અંગે સામસામેના આક્ષેપો સોશિયલ મીડિયામાં વાયરલ થયા છે. જેમાં નેતાઓ દ્વારા આધિકારી અને કોન્ટ્રાક્ટરો પાસેથી હપ્તા ઉઘરાવાતા હોવાનો એક નનામો પત્ર વાયરલ થતા હડકમ્પ મચી ગયો છે તો બીજી બાજુ સાંસદ મનસુખ વસાવાએ આ નનામા પત્રને સાચો ગણાવ્યો હતો. વધુમાં નનામાં પત્રમાં ભાજપ અને આપના નેતાઓના નામનો પણ ઉલ્લેખ કરાયો હતો.

ચૈતર વસાવા ને મારો જવાબ..@CRPaatil @pradipsinhbjp @ratnakar273 @Bhupendrapbjp @drdarsnadesmukh @Chaitar_Vasava @MotilalVasava pic.twitter.com/mfJpzxFIyF

— Mansukh Vasava MP (@MansukhbhaiMp) March 29, 2023

સાંસદે આડકતરી રીતે ચૈતર વસાવા પર અનેક આક્ષેપો કર્યાં
પત્રમાં આપ MLA ચૈતર વસાવા અને ભાજપ MLA દર્શના દેશમુખના ભાઈનો ઉલ્લેખ કરાયો છે. જેને લઈને મામલો ગરમાયો છે. તો આ મામલે આપના MLA ચૈતર વસાવાની નનામા પત્રને લઈ ખુલ્લી ચેલેન્જ કરી પોતાની સામે પુરાવા જાહેર કરવા હુંકાર કર્યો છે. એટલું જ નહીં જાહેરમાં પુરાવા રજૂ નહીં કરો તો માનહાનિનો દાવો કરવાની પણ ચીમકી ઉચ્ચારતા સોપો પડી ગયો છે. આ મામલે સાંસદે આડકતરી રીતે ચૈતર વસાવા પર અનેક આક્ષેપો કર્યાં હતા.