VIDEO / જાનમાં જોડ્યું JCB.! આવો વરઘોડો નહીં જોયો હોય, આગળના પાવડામાં બેસી વહુ લેવા ગયો વરરાજા

• નવસારીના ચીખલી તાલુકાના કલીયારી ગામે નીકળ્યો અનોખો વરઘોડો
• હાથી, ઘોડા, હેલિકોપટર નહિ જેસીબીમા વરઘોડો
• આદિવાસી પરંપરા અનુસાર યુવાને કર્યા લગ્ન

લગ્નસરાની મોસમ ચાલી રહી છે ત્યારે વરરાજા આજના આધુનિક સમયમા પણ હાથી, ઘોડા, કે હેલિકોપટરમા જાન લઈને આવતા હોવાના અનેક કિસ્સાઓ વચ્ચે નવસારીના ચીખલી તાલુકાના કલીયારી ગામે અનોખો વરઘોડો નીકળ્યો હતો અને વરરાજા જેસીબીમા બેસી લગ્નના માંડવે આવ્યા હતા.

ડીજેના તાલે વાજતે - ગાજતે વરઘોડો 

નવસારીના ચીખલી તાલુકાના કલીયારી ગામે લગ્ન પ્રસંગમાં વરરાજાએ અનોખો વરઘોડો કાઢ્યો હતો. ઠાઠ માઠથી તૈયાર થયેલા વરરાજા પરંપરા મુજબ ઘોડા ઉપર બેસવાને બદલે જેસીબીમા સવાર થયા હતા અને ડીજેના તાલે વાજતે - ગાજતે વરઘોડો કાઢી લગ્નમંડપમા પહોંચી આદિવાસી સમાજની પરંપરા મુજબ લગ્ન કર્યા હતા.