દુનિયાભરની અર્થવ્યવસ્થા 1930ના દશકની મહામંદી બાદ ફરી એકવાર ખરાબ થઈ શકે છે. IMFએ ચેતવણી આપી છે કે કોરોના વાયરસની મહામારીને જોતાં દેશ માટે લેવાયેલા લૉકડાઉનના નિર્ણયથી 2020ના વર્ષની અર્થવ્યવસ્થાને માટે ઘણા પડકારો ઊભા થશે.
કોરોના વાયરસની મહામારી ગ્લોબલ ઈકોનોમી માટે ઘાતક
છેલ્લા 9 દશકમાં નથી આવી તેવી મંદી આવશે
2020નું વર્ષ અનેક નાણાંકીય પડકારો લાવશે
કોરોના વાયરસની મહામારીને જોતાં લેવાયેલા લૉકડાઉનના નિર્ણયથી દુનિયાભરની અર્થવ્યવસ્થા મહામંદી બાદની સૌથી ખરાબ સ્થિતિમાં છે. આંતરરાષ્ટ્રિય મુદ્રાકોષે આ ચેતવણી આપી છે. IMFનું માનવું છે કે 2020નું વર્ષ વૈશ્વિક અર્થવ્યવસ્થા માટે ઘણું ખરાબ રહેશે.
170 દેશોમાં ઘટશે દરેક વ્યક્તિની આવક
IMFના મેનેજિંગ ડિરેક્ટર ક્રિસ્ટલીના જૉર્જિવાએ ગુરુવારે કહ્યું કે 2020માં દુનાયાના 170થી વધારે દેશોમાં દરેક વ્યક્તિની આવક ઘટશે. વૈશ્વિક અર્થવ્યવસ્થા માટે પ્રાથમિકતાઓ વિષય પર પોચાના સંબોધનમાં તેમણે કહ્યું કે આજે દુનિયા એવા સંકટમાંથી પસાર થઈ રહી છે જે ક્યારેય જોયું નથી. કોવિડ 19એ આર્થિક અને સામાજિક સ્થિતિને ઝડપથી ખરાબ કરી છે. આવું પહેલાં ક્યારેય બન્યું નથી.