કાર્યવાહી / અમદાવાદના જુહાપુરામાં માફિયા ડોનની મિલકત પર ફરી વળ્યું બુલડોઝર, પોલીસ કાફલાની હાજરીમાં કાર્યવાહી

• કુખ્યાત કાલુ ગરદન વિરુદ્ધ AMCની કાર્યવાહી
• જુહાપુરાની ટીપી 85 પરની 3 દુકાનોનું ડિમોલિશન
• ચુસ્ત પોલીસ બંદોબસ્ત સાથે ડિમોલિશન હાથ ધરાયું

અમદાવાદના કુખ્યાત કાલુ ગરદન વિરુદ્ધ AMCએ કડકમાં કડક કાર્યવાહી કરી છે. અમદાવાદ મ્યુનિસિપલ કોર્પોરેશને કાલુ ગરદનના દબાણ પર બુલડોઝર ચલાવવાની કાર્યવાહી કરી છે. AMCના અધિકારીઓએ પોલીસના ચુસ્ત બંદોબસ્ત સાથે જુહાપુરા ટીપી 85 પર આવેલી 3 દુકાનોનું ડિમોલિશન કર્યું છે. 2 બુલડોઝર સાથે AMC દ્વારા આ કાર્યવાહી હાથ ધરવામાં આવી.

અમદાવાદમાં ફરી વાર ગેરકાયદે દબાણો વિરૂદ્ધ AMCની લાલ આંખ

તમને જણાવી દઇએ કે, અમદાવાદમાં ફરી વાર જે ગેરકાયદે દબાણો થયા છે તેની વિરૂદ્ધ તંત્ર દ્વારા કાયદેસરની કાર્યવાહી હાથ ધરવામાં આવી રહી છે. ત્યારે જુહાપુરના કુખ્યાત કાલુ ગરદનની જે ગેરકાયદેસર ઇમારતો છે તેની પર બુલડોઝર ફેરવવામાં આવી રહ્યું છે. ટીપી 85 પર જે ગેરકાયદેસર દુકાનો ઉભી કરવામાં આવી છે તેની પર ડિમોલિશન હાથ ધરવામાં આવ્યું છે. ચુસ્ત પોલીસ બંદોબસ્ત સાથે AMC દ્વારા કાર્યવાહી હાથ ધરવામાં આવી રહી છે.

અમદાવાદ: કુખ્યાત કાલુ ગરદનના ગેરકાયદે બાંધકામ પર બુલડોઝર ચલાવાયું, ચુસ્ત પોલીસ બંદોબસ્ત સાથે જુહાપુરા ટીપી 85 પર આવેલ 3 દુકાનોનું AMC દ્વારા ડિમોલિશન#Ahmedabad @AmdavadAMC

— VTV Gujarati News and Beyond (@VtvGujarati) May 17, 2022

કોર્પોરેશનની જમીન પર કરેલા ગેરકાયદે દબાણોને દૂર કરાયા

બીજી બાજુ ગેરકાયદે જે ઝુંપડપટ્ટીઓ છે કે જેમના દ્વારા કોર્પોરેશનની જમીન પર ગેરકાયદે દબાણો કરવામાં આવ્યા છે તેને AMC દ્વારા દૂર કરવામાં આવી રહ્યાં છે. એટલે કે શહેરમાં એકવાર ફરી તંત્ર દ્વારા ગેરકાયદે દબાણ વિરૂદ્ધ લાલ આંખ કરવામાં આવી છે.