ફાયદાની વાત / વીજબિલ ઘટાડવું છે? તો ઉનાળામાં અપનાવો આ સ્માર્ટ ઉપાય, બચી જશે તમારા રૂપિયા

Save Electricity News : આધુનિક સમયમાં વીજળી આપણા જીવનનો મહત્વનો હિસ્સો બની ગયો છે જેથી આપણે તેના ઉપયોગની સાથે આપણે તેને બચાવવાના મહત્વને પણ સમજવુ જોઈએ. આપણે વીજળી બચાવવાની જવાબદારી લેવી જોઈએ. વીજળી બચાવવાથી પર્યાવરણનું પણ જતન પણ થશે અને આપણુ વીજળીના બિલ ઓછુ પણ આવશે. ઉનાળામાં તો વીજળીનો વપરાશ વધી જતો હોય છે કારણ કે ઉનાળામાં પંખા, એર કંડિશનર જેવા ઉપકરણ ચાલુ રહેતા હોય છે. જેથી વીજળીનું બિલ ગણું વધી જાય છે. આ બિલ ઓછુ કરવાના આજે અમે તમને કેટલાક ઉપાય જણાવીશું.

આવી રીતે ખર્ચાય છે વીજળી
જો તમે સતત એક કલાક 1000 વોટના ઈલેક્ટ્રોનિક સાધનનો ઉપયોગ કરો છો તો તે એક યુનિટ વીજળી વાપરે છે. મોટા ભાગે AC બે હજાર વોટ સુધીના હોય છે જો તમે પાંચ કલાક AC ચાલુ રાખો છો તમારા 10 યુનિટ વપરાય છે. આવી રીતે તમે તમારા વપરાશની ગણતરી કરી શકો છો.

આવી રીતે બચાવો વીજળી
તમારા ઘરના તમામ સાદા બલ્બને LEDથી રીપ્લેસ કરી દો કારણ કે LED ઓછા વોલ્ટેજના હોય છે જેથી તે ઓછી વીજળી વાપરે છે. તમારું ફ્રિજ જૂનુ હોય તો પણ તમારું બિલ વધારે આવી શકે છે જેથી જો તમારે બીલ ઘટાડવું હોય તો નવા ઉપકરણોનો ઉપયોગ કરો. ફ્રિજમાં વધારે વસ્તુઓ ન મુકશો એવુ કરવાથી પણ વીજળીનું બિલ વધુ આવે છે.

જો તમારા ઘરે AC છે તો તેની સાથે પંખો પણ ચાલુ કરો એનાથી તમારો રૂમ ઝડપથી ઠંડો થઈ જશે જેથી તમારે વધારે સમય માટે AC ચાલુ રાખવુ નહીં પડે. AC ચલાવતી વખતે એ વાતનું ધ્યાન રાખવુ જોઈયે કે તેનું લેવલ ગરમી પ્રમાણે જ રાખવું જોઈએ. જો વધારે ગરમી ન હોય તો ACને રૂમના ટેમ્પરેચર પર જ રાખો. 24 પર AC ચલાવવુ.

વધુ વાંચો: આંખે ઓછું દેખાય છે? તો આજથી જ આ ચીજ ખાવાનું શરૂ કરો, રોશની તેજ થશે

આ સિવાય અનેક લોકો સુતા પહેલા TVની સ્વિચ બંદ કરીને નથી ઉંઘતા જેથી પાવર સપ્લાય ચાલુ રહે છે. એના કારણે પણ બિલ વધુ આવે છે. જે ઉપકરણનો ઉપયોગ લાંબા સયમ સુધી ન કર્યો હોય તેને સર્વિસ પછી જ ઉપયોગ કરો આવુ કરવાથી વીજળીનો વપરાશ ઓછો થશે અને બિલ ઓછુ આવશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો