ફાયદાની વાત / પોતાની કે માતા પિતાની વૃદ્ધાવસ્થા સુધારવી હોય તો કેન્દ્ર સરકારની આ યોજનાનો ઉઠાવો લાભ, દર મહિને મળશે 10 હજાર રૂપિયા 

• અટલ પેન્શન યોજનામાં રોકાણ વૃદ્ધાવસ્થામાં ખૂબ ઉપયોગી નીવડશે  
• આ યોજનામાં થાપણદારો 60 વર્ષની ઉંમર પછી પેન્શન મળશે 
• આ યોજના હેઠળ પતિ-પત્ની દર મહિને 10,000 મેળવી શકે છે પેન્શન 

અટલ પેન્શન યોજનામાં રોકાણ વૃદ્ધાવસ્થામાં ખૂબ ઉપયોગી નીવડશે  

વૃદ્ધાવસ્થા દરેક વ્યક્તિના જીવનમાં આવે છે. તેથી, લોકોએ તેમની નિવૃત્તિને સુરક્ષિત રાખવા માટે સુરક્ષિત જગ્યાએ રોકાણ કરવું જોઈએ. જો તમે તમારી નિવૃત્તિને સુરક્ષિત રાખવા માંગો છો, તો તમે સરકારની અટલ પેન્શન યોજનામાં રોકાણ કરી શકો છો. તે તમારી વૃદ્ધાવસ્થામાં ખૂબ ઉપયોગી થશે. આ યોજના હેઠળ પતિ-પત્ની અલગ -અલગ ખાતા ખોલીને દર મહિને 10,000 રૂપિયાનું પેન્શન મેળવી શકે છે.

આ યોજનામાં થાપણદારો 60 વર્ષની ઉંમર પછી પેન્શન મેળવવાનું શરૂ કરે છે 

ભારતના નાગરિકો માટે અસંગઠિત ક્ષેત્રેના કામદારો પર કેન્દ્વીત આ એક ખૂબ જ સારી પેન્શન યોજના છે. 18 થી 40 વર્ષના કોઈપણ ભારતીય નાગરિક આ યોજનામાં રોકાણ કરી શકે છે અને પેન્શન મેળવી શકે છે. આ યોજનામાં થાપણદારો 60 વર્ષની ઉંમર પછી પેન્શન મેળવવાનું શરૂ કરે છે. 

શું છે અટલ પેન્શન યોજના ? 

અટલ પેન્શન યોજના હેઠળ થાપણદારો ઓછામાં ઓછા 1,000 રૂપિયા, 2,000 રૂપિયા, 3,000 રૂપિયા, 4,000 રૂપિયા અને મહત્તમ 5,000 રૂપિયા સુધીનું માસિક પેન્શન મેળવી શકે છે. જો કોઈ વ્યક્તિ દર મહિને 210 રૂપિયાનું રોકાણ કરે છે, તો તે વાર્ષિક 60 હજાર રૂપિયા પેન્શન મેળવી શકે છે એટલે કે દર મહિને પાંચ હજાર રૂપિયા સુધી. જો કે, આ રોકાણ 18 વર્ષની ઉંમરથી વ્યક્તિએ કરવાનું હોય છે.

10 હજાર રૂપિયાનું પેન્શન કેવી રીતે મેળવવું ?

10 હજાર રૂપિયાનું માસિક પેન્શન મેળવવા માટે, પતિ અને પત્ની બંનેએ આ યોજના હેઠળ પોતાનું ખાતું ખોલવું પડશે. જો પતિ 30 વર્ષનો છે, તો તેણે પાંચ હજાર રૂપિયા પેન્શન મેળવવા માટે દર મહિને તેના APY ખાતામાં 577 રૂપિયા જમા કરાવવાના રહેશે. તે જ સમયે, જો પત્ની 25 વર્ષની છે, તો તેણે દર મહિને 376 રૂપિયાનું યોગદાન આપવું પડશે. આ રીતે પતિ -પત્ની બંને સંયુક્ત રીતે 10 હજાર રૂપિયાનું માસિક પેન્શન મેળવશે.

અટલ પેન્શન યોજનાના અન્ય લાભો

માસિક પેન્શન ઉપરાંત, જો જીવનસાથીમાંથી કોઈનું મૃત્યુ થાય છે, તો હયાત જીવનસાથીને યોજના હેઠળ 8.5 લાખ રૂપિયા મળશે. આ સાથે તેને દર મહિને પેન્શન મળવાનું પણ ચાલુ રહેશે.

અટલ પેન્શન યોજના ખાતું ખોલવાની પ્રક્રિયા

બેંકની શાખા/પોસ્ટ ઓફિસનો સંપર્ક કરો જ્યાં વ્યક્તિ પાસે બચત ખાતું હોય અથવા જો ખાતું ઉપલબ્ધ ન હોય તો નવું બચત ખાતું ખોલો.
બેંક/પોસ્ટ ઓફિસ બચત બેંક ખાતા નંબર આપો અને બેંક કર્મચારીઓની મદદથી APY નોંધણી ફોર્મ ભરો.
આધાર/મોબાઇલ નંબર આપો. આ ફરજિયાત નથી, પરંતુ યોગદાન વિશે સંદેશાવ્યવહારની સુવિધા માટે પ્રદાન કરી શકાય છે.  
માસિક/ત્રિમાસિક/અર્ધવાર્ષિક યોગદાનના ટ્રાન્સફર માટે જરૂરી રકમ બચત બેંક ખાતા/પોસ્ટ ઓફિસ બચત બેંક ખાતામાં રાખવાની ખાતરી કરો.