- શું તમે પણ વડાપ્રધાન નરેન્દ્ર મોદીને મળેલી ગિફ્ટનાં માલિક બનવા ઈચ્છો છો?
- નેશનલ ગેલેરી ઓફ મોર્ડન આર્ટ્સમાં આજથી પ્રદર્શન શરૂ થયું
- વડાપ્રધાનને મળેલા સ્મૃતિચિહ્નો અને ભેટોને પ્રદર્શનમાં મૂકવામાં આવી
જો તમે પણ વડાપ્રધાન નરેન્દ્ર મોદી દ્વારા દેશ અને વિદેશમાં મળેલી ગિફ્ટના માલિક બનવા ઈચ્છો છો. તો તમારી પાસે સારી તક છે. નેશનલ ગેલેરી ઓફ મોર્ડન આર્ટ્સમાં આજથી પ્રદર્શન શરૂ થયું છે. આ પ્રદર્શનમાં વડાપ્રધાન નરેન્દ્ર મોદી દ્વારા છેલ્લા કેટલાક વર્ષોમાં મળેલા સ્મૃતિચિહ્નો અને ભેટોને પ્રદર્શનમાં મૂકવામાં આવ્યા છે. દર વર્ષની જેમ, નેશનલ મ્યુઝિયમ ઑફ મોર્ડન આર્ટ અથવા નેશનલ ગેલેરી ઑફ મોર્ડન આર્ટસ (NGMA)માં આજથી શરૂ થનારા પ્રદર્શનમાં રાખવામાં આવેલી તમામ ભેટોની હરાજી કરવામાં આવશે.
પીએમ મોદીએ સોશિયલ મીડિયા પોસ્ટ પર માહિતી આપી
PM મોદીએ સોશિયલ મીડિયા પ્લેટફોર્મ પર પ્રદર્શનની કેટલીક તસવીરો શેર કરતા લખ્યું કે, "આજથી, NGMA દિલ્હીમાં એક પ્રદર્શન શરૂ થઈ રહ્યું છે. જેમાં મને છેલ્લા કેટલાક વર્ષોમાં આપવામાં આવેલી ભેટ અને સંભારણું પ્રદર્શિત કરવામાં આવશે. ભારતમાં વિવિધ કાર્યક્રમોમાં મને આપવામાં આવેલી આ ભેટો ભારતની સમૃદ્ધ સંસ્કૃતિ, પરંપરા અને કલાત્મક વારસાની સાક્ષી છે. હંમેશની જેમ આની હરાજી કરવામાં આવશે અને તેની રકમ નમામી ગંગે પ્રોજેક્ટને દાન કરવામાં આવશે."
કેબિનેટ મંત્રી મીનાક્ષી લેખીએ પણ પ્રદર્શન વિશે માહિતી આપી હતી
આ પહેલા કેન્દ્રીય સાંસ્કૃતિક રાજ્ય મંત્રી મીનાક્ષી લેખીએ પણ સંબોધન કર્યું હતું અને આ પ્રદર્શન વિશે માહિતી આપી હતી. તેમણે ટ્વિટર પર લખ્યું છે કે વડાપ્રધાનને વિવિધ પ્રસંગોએ આપવામાં આવેલા સંભારણું અને ભેટોની હરાજી હવે ચાલી રહી છે. દરેકને ઇ-ઓક્શનમાં ભાગ લેવા અને નમામી ગંગે પ્રોજેક્ટમાં યોગદાન આપવા વિનંતી છે. જે પ્રોજેક્ટને આગળ વધારવામાં મદદ કરશે.
પીએમ મોદીની ભેટોની હરાજી જાન્યુઆરી 2019થી શરૂ થઈ
જાન્યુઆરી 2019 માં સરકારે પ્રથમ વખત પીએમ નરેન્દ્ર મોદીને મળેલી લગભગ 1900 ભેટોની હરાજી કરી. આ હરાજી દ્વારા ચિત્રો, શિલ્પો, શાલ, પાઘડી, જેકેટ્સ અને પરંપરાગત સંગીતનાં સાધનોની સાથે વિવિધ દેશોની અન્ય ઘણી કિંમતી ભેટ પણ વેચવામાં આવી હતી.
