- શ્વાસ લેવામાં તકલીફ થવી
- નાની વાતમાં અસ્વસ્થ થઈ જવું
- મહિનાઓ સુધી છાતીમાં દુ:ખાવો થવો
ફેફસા શરીરનું મહત્વપૂર્ણ અંગ છે. ફેફસા જેટલા સ્વસ્થ હશે એટલું જ આપનું શરીર સ્વસ્થ રહેશે. પરતું આજકાલ ખરાબ જીવનશૈલી અને પ્રદૂષણની અસર ફેફસા પર પડી રહી છે. ધૂમ્રપામ અને વાયુ પ્રદૂષણ આ બંને ફેફસા ખરાબ થવાનાં મુખ્ય કારણ છે. ફેફસા ખરાબ થાય તો શરીર પણ અસ્વસ્થ રહેવા લાગે છે. જાણો અમુક એવા લક્ષણો વિશે જે દર્શાવે છે કે તમારા ફેફસાનું સ્વાસ્થ્ય ખરાબ થઈ રહ્યું છે.
કફની સમસ્યા
વધુ પડતી કફની સમસ્યા રહેતી હોય તો આ એક સંકેત છે કે તમારા ફેફસા અસ્વસ્થ છે. કારણકે આપણાં ફેફસા શ્વસન માર્ગને ચેપથી બચાવવા માટે કફનું નિર્માણ કરે છે. લાંબા સમય સુધી કફની સમસ્યા તમારા ફેફસાને ખરાબ કરી શકે છે. તાત્કાલિક ડોક્ટરની મુલાકાત લેવી જોઈએ.
શ્વાસ લેવામાં તકલીફ થવી
તમે વધુ મહેનત વાળું કામ કરતાં હોય ત્યારે શ્વાસ લેવામાં તકલીફ થવી એ સામાન્ય બાબત છે. પરતું હળવું કામ કરતાં જ શ્વાસ લેવામાં તકલીફ જણાય તો સમજી લેવું કે તમારા ફેફસા અસ્વસ્થ છે. આ સમસ્યામાં ડોક્ટરની મુલાકાત લેવી.
અસ્વસ્થતા અને બેચેની
જો તમે એ લોકો માંથી હોય જે નાની વાતમાં અસ્વસ્થ થઈ જાય છે તો આ એક અસ્વસ્થ ફેફસાનું લક્ષણ છે. તમને દરેક સમયએ ગળામાં કઈક અટકાયેલું લાગે અને ઉધરસ આવે તો, આ પણ એક અસ્વસ્થ ફેફસાનું લક્ષણ છે.
છાતીમાં દુ:ખાવો
કેટલીક વાર મહિનાઓ સુધી છાતીમાં દુ:ખાવો થતો હોય તો સમજી જવું કે આ એક અસ્વસ્થ ફેફસાનું લક્ષણ છે. આ સાથે ઉધરસ અને શ્વાસ લેવામાં સમસ્યા થાય તો સમજી લેવું કે આ તમારા અસ્વસ્થ ફેફસાની સમસ્યા તરફ સંકેત કરે છે. તમારે કુશળ ડોક્ટરની સલાહ લેવી જોઈએ.
