ગજબ / શરીરનાં આ ભાગમાં તલ હોય તો પુરુષોને પોતાની આંગળીએ નચાવે છે મહિલાઓ, જાણો આ રસપ્રદ આગાહી

• શરીર પર રહેલા તલનો કોઈને કોઈ અર્થ હોય છે
• અમુક તલ જન્મ સાથે જ હોય છે 
• અમુક તલ પછી સમય સાથે બને છે 

કહેવાય છે કે માણસનાં શરીર પર રહેલા તલનો કોઈને કોઈ અર્થ હોય જ છે. કોઈ તલ જન્મ સાથે જ હોય છે અને કોઈ અમુક સમય બાદ બની જાય છે. શરીર પર રહેલા તલ અર્થ વગરના નથી હોતા. આવામાં આજે અમે તમને શરીર પર રહેલા તલનાં અર્થ વિષે જણાવશુ. 

કાન પર તલનો શું અર્થ છે?
મહિલાઓનાં કાન પર તલ હોવું,એ સૌભાગ્યની નિશાની માનવામાં આવે છે. કહેવામાં આવે છે કે આવી મહિલાઓ સ્ટ્રેટ ફોરવર્ડ હોય છે, કોઈપણ બાબતમાં તરત જ નિર્ણય લેવાનું પસંદ કરે છે, એટલું જ નહી બુદ્ધિમાન હોવાની સાથે સાથે તેમને પૈસાની પણ કોઈ અછત હોતી નથી. આવી મહિલાઓ પોતાનું મનપસંદ કામ કરે કે પછી કોઈ અન્ય કામ, તેમને દરેક પ્રકારના કાર્યમાં સફળતા મળે છે. પછી એ નોકરી હોય કે બીઝનેસ. 

ગાલ પર તલ 
જે મહિલાઓનાં ગાલ પર તલ હોય છે, તે સામેવાળી કોઈપણ વ્યક્તિને સરળતાથી પોતાની તરફ આકર્ષિત કરી લે છે. સાથે આ તલને સુંદરતાનું પ્રતિક પણ માનવામાં આવે છે. આવી મહિલાઓની સોશિયલ મીડિયા પર સારી ફેન ફોલોઈંગ હોય છે. જોકે આવી મહિલાઓ બીજા વિષે વાત કરવાનું પસંદ કરતી નથી. એટલું જ નહી, જે મહિલાઓનાં ગાલ પર તલ હોય છે, તે મહેનતુ અને હૃદયની સાફ માનવામાં આવે છે અને તેમની પાસે પૈસાની પણ કોઈ અછત હોતી નથી. 

હોઠ પર તલ 
જે મહિલાઓનાં હોઠ પર તલ હોય છે, તે કોઈને પણ સરળતાથી પોતાના દિવાના બનાવી લે છે, દરેક વ્યક્તિ તેમની તરફ ખેંચાઈ જાય છે. પુરુષો વચ્ચે આવી મહિલાઓને ખૂબ જ પસંદ કરવામાં આવે છે, કેમકે હોઠની આસપાસ કે હોઠ પર તલ મહિલાઓની સુંદરતા પણ વધારે છે. એવું કહેવામાં આવે છે કે જે મહિલાઓનાં ઉપરના હોઠ પર જમણી બાજુ તલ હોય છે, તે લાઈફપાર્ટનરનાં મામલામાં ખૂબ જ ભાગ્યશાળી હોય છે. જે મહિલાઓનાં નીચેના હોઠ પર તલ હોય છે, તે ખૂબ જ મહેનતુ હોય છે અને તેમને દરેક કાર્યમાં સફળતા મળે છે. 

ખભ્ભા પર તલ 
જે મહિલાઓનાં ખભ્ભા પર તલ હોય છે, તેમને સમાજમાં અને આસપાસનાં લોકો તરફથી ખૂબ જ માન-સમ્માન મળે છે. જે મહિલાઓની ડોક પર તલ હોય છે, તે ખૂબ જ શાંત સ્વભાવની અને ધૈર્યવાન હોય છે. પોતાના જીવનમાં તે આગળ આવીને ખુદનું લક્ષ્ય પ્રાપ્ત કરે છે. આ પ્રકારની મહિલાઓ ઘણી ચાલાક હોય છે અને આ જ કારણ છે કે તે પોતાનો લાઈફપાર્ટનર ઘણું વિચાર્યા બાદ જ પસંદ કરે છે. 

નાક પર તલ 
નાક પર સામાન્ય રીતે તો ઘણા ઓછા લોકોને તલ હોય છે, પરંતુ જો કોઈ મહિલાનાં નાક પર જમણી બાજુ તલ હોય છે, તો તે ખૂબ જ સુંદર અને ભાગ્યશાળી હોય છે. જો કોઈ મહિલાના નાકની ડાબી બાજુ તલ હોય છે, તો આવી મહિલાઓને પિયર પક્ષ તરફથી સંપૂર્ણ સાથ સહકાર મળે છે. જે લોકોને નાકના આગળના ભાગ પર તલ હોય છે, તે દરેક કાર્યમાં ટેલેન્ટેડ હોય છે. 

ચેસ્ટ પર તલ 
જે મહિલાઓને ચેસ્ટ નીચે તલ હોય છે, તેમને દરેક ફિલ્ડમાં સફળતા મળવાની સંભાવના રહે છે. તેઓ લકી હોય છે અને તેમનું જીવન રોમાંસથી ભરપૂર હોય છે.