ટેલિકોમ સેક્ટરમાં રિલાયન્સ જીઓની સતત વધતી જતી સ્પર્ધાને ધ્યાનમાં રાખીને આઇડિયાએ એક નવો પ્રીપેડ પ્લાન રજૂ કર્યો છે. કંપનીએ આ પ્લાનની કિંમત 595 રૂપિયા રાખી છે અને તેની માન્યતા 112 દિવસ છે.
આ પહેલાં આઈડિયાએ રૂપિયા 227નો પ્રીપેઇડ પ્લાન રજૂ કર્યો હતો જેમાં અનલિમિટેડ વોઇસ કૉલ્સ સાથે 28 દિવસ માટે દરરોજ 1.4GB ડેટા આપવામાં આવે છે.
આઇડિયાના રૂપિયા 595ના નવા પ્લાન વિશે વાત કરીયે તો જેમાં અનલિમિટેડ વોઇસ કૉલ્સ આપવામાં આવે છે. જોકે આ અનલિમિટેડ વોઇસ કોલિંગ દિવસ દીઠ 250 મિનિટ અને દર અઠવાડિયે 1 000 મિનિટ રહેશે.
જો મર્યાદા ઉપર કોલિંગ પહોંચી જાય તો કંપની 1p/secના દરે વસૂલ કરશે. આ ઉપરાંત ગ્રાહકો અઠવાડિયામાં ફક્ત 100 અલગ-અલગ નંબરોને કૉલ કરવા સક્ષમ હશે અને મફત રોમિંગના ફાયદા પણ આઇડિયા નેટવર્ક પર જ ઉપલબ્ધ રહેશે.
આ પ્લાનમાં ઉપલબ્ધ ડેટા વિશે ચર્ચા કરીયે તો જેમાં સમગ્ર સમયગાળામાં એટલે કે 112 દિવસમાં 10GB ડેટા મળશે. ત્યારબાદ ગ્રાહકોએ 4p/10KBના દરે ચૂકવણી કરવી પડશે. આ ઉપરાંત આ પ્લાનમાં ગ્રાહકોને 100SMS મળશે. ગ્રાહકો આ પ્લાનની ચકાસણી કંપનીની વેબસાઇટ પર કરી શકે છે.