સસ્પેન્ડેડ IAS ગૌરવ દહિયાના કથિત પ્રેમપ્રકરણ મામલે ગૌરવ દહિયાના એડવોકેટ હિતેષ ગુપ્તાએ પત્રકાર પરિષદ સંબોધી હતી. સમગ્ર ઘટના મામલે ખુલાસો કર્યો હતો. જેમાં તેમણે તેમના તરફથી જ પોલીસ કાર્યવાહી કરવામાં આવી હોવાનું નિવેદન આપ્યું. તેમજ લગ્નની વાત ઉપજાવી કાઢેલી અને બાળકો માટે લગાવવામાં આવેલા આક્ષેપો પાયા વિહોણા હોવાનું પણ કહ્યું હતું. તેમજ કાયદાકીય રીતે DNA ટેસ્ટ માટે તૈયાર હોવાની વાતનો પણ ઉલ્લેખ કર્યો હતો.
વધુમાં વકીલે કહ્યું હતું કે, પોલીસ કાર્યવાહી જે હાથ ધરવામાં આવી તે અમારા તરફથી જ કરવામાં આવી હતી. દિલ્હીમાં પણ અમે અરજી કરી હતી. બહેન પણ આજ અરજી કરી હતી. જે તે સમયે તે હાજર ન રહેતા તે રદ થઈ હતી. ગાંધીનગરમાં જે અરજી થઈ છે તે અંગે હવે તપાસ કરવામાં આવી રહી છે.
માલવીયનગર પોલીસે તપાસ શરૂ કરી હતી. તે દરમિયાન અમે હાજર પણ રહ્યા હતા. તે દરમિયાન ત્યાં થી ગુજરાતમાં એક નકલ પણ મોકલવામાં આવી હતી. તે આક્ષેપો સાથે દિલ્હી અને સાઉથ ચેન્નાઈમાં કરવામાં અરજી આવી હતી. જે પણ તપાસ થાય તેમાં મેં બંધાયેલા છીએ. તે તપાસમાં તે ગેરહાજર રહ્યા હતા. આગામી તારીખમાં અમે હાજર રહેવા ના જ છીએ.
લીનું સિંઘના આક્ષેપો પાયા વિહોણાઃ વકીલ
લીનું સિંઘના આક્ષેપો પાયા વિહોણા છે. બહેન જે પણ કહી રહ્યા છે તે ગુન્હા અને દબાણના ભાગ રૂપે છે. જે માંગણીઓ કરવામાં આવી છે તે તપાસમાં આપી છે. ચાઈલ્ડને લઈ જે આક્ષેપો થયા છે તે પણ પાયા વિહોણા છે. અમારી વિરુદ્ધ જે અરજી થઈ તે તેમાં અમને નોટિસ મળી હતી તે જ અંગે કાર્યવાહી થાય. નામદાર કોર્ટ જે અરજીમાં વાત છે તે જ અંગે તપાસ થવી જોઈએ.
લગ્ન નથી થયા માત્ર વાત ચાલતી હતીઃ વકીલ
મૂળ ફરિયાદ દિલ્હીમાં છે તો એ ત્યાંની જ પોલીસ તપાસ કરી શકે તે કાયદામાં પણ છે. આક્ષેપો પ્રમાણે દિલ્હી પોલીસ જ તપાસ કરી શકે, કારણ કે ગુનો ત્યાં બન્યો છે. લગ્નની વાત ઉપજાવેલી છે. પહેલા અરજી પ્રમાણે પુરાવો મુકવા પડશે. ગઈકાલે અમારી સામે પણ કોર્ટમાં આવવાની તેમણે ના પાડી. તેમના લગ્ન ના જ તમામ આક્ષેપો છે. દિલ્હીની ક્રાઇમ મહિલા સેલે સંમંસ આપ્યા હતા. લગ્ન થયા નથી માત્ર વાત ચાલતી હતી.
DNA ટેસ્ટ માટે તૈયાર છીએઃ વકીલ
બાળકો બાબતે ખોટી વાત છે. કાયદાકીય રીતે DNA ટેસ્ટ માટે તૈયાર છીએ. કરોડો રૂપિયાની માંગણી કરી હતી. તેણે તેના મોબાઈલમાંથી સુસાઇડના મેસેજ કર્યા હતા. ગૌરવ દહીયા મીડિયાથી ભાગ્ય મીડિયા સાથે વાત કરવાનો ઇન્કાર કર્યો.