- યુપીના હરદોઈની ઘટના
- પત્નીએ પતિના અકુદરતી સંબંધોનો કર્યો વિરોધ
- આટલી નાની વાતે પતિએ આપ્યા તલાક
પોતાના મનનું ધાર્યું ન થાય ત્યારે મનુષ્યની વિવેકબુદ્ધિ ખતમ થઈ જતી હોય છે અને તેને શું કરવું તે સુઝતું નથી અને આવી સ્થિતિમાં તે ગમે તેવું પગલું પણ ભરી લેતો હોય છે. યુપીના હરદાઈમાં તલાકનો એક આઘાતજનક કિસ્સો સામે આવ્યો છે.
પતિ પત્ની સાથે બાંધતો હતો અકુદરતી સંબંધ
ઉત્તર પ્રદેશના હરદોઈમાં ટ્રિપલ તલાકનો ચોંકાવનારો મામલો સામે આવ્યો છે. મહિલાનો આરોપ છે કે પતિ તેની સાથે અપ્રાકૃતિક શારીરિક સંબંધ બાંધવા માટે દબાણ કરતો હતો. જ્યારે તેણે આ કૃત્યનો વિરોધ કર્યો ત્યારે પતિએ તેની સાથે મારપીટ કરી હતી અને ત્રણ વખત તલાક કહીને છૂટાછેડા આપ્યા હતા. પીડિતાએ તેના પતિ સામે પોલીસ ફરિયાદ નોંધાવી છે. આ કેસમાં પોલીસ અધિકારીઓએ આરોપી સામે ગુનો નોંધી કાર્યવાહી કરવાના નિર્દેશ આપ્યા છે.
પોલીસની બીકે પતિએ આ કામ બંધ કર્યું પણ થોડા સમય પછી ફરી શરું કર્યું
આ મામલો હરદોઈ જિલ્લાના કોતવાલી સંદિલા વિસ્તારનો છે. છ વર્ષ પહેલા કસ્બા સંડિલામાં એક મહિલાના લગ્ન થયા હતા. મહિલાનો આરોપ છે કે તેનો પતિ તેની સાથે અપ્રાકૃતિક સંબંધ રાખતો હતો. જ્યારે પણ મહિલા તેનો વિરોધ કરતી ત્યારે પતિ તેને માર મારતો હતો. ત્રણ વર્ષ પહેલા મહિલાએ પોલીસમાં ફરિયાદ કરી હતી. મારા પતિએ તે સમયે સમાધાન કરી લીધું હતું પરંતુ સમાધાનના થોડા દિવસો બાદ જ તેણે તેની સાથે ફરી અકુદરતી સંબંધ બાંધવાનું શરૂ કર્યું. મહિલાએ વિરોધ કર્યો તો પતિએ તેની સાથે મારપીટ કરી અને ચુપ રહેવા કહ્યું.
પીડિતાએ નોંધાવી પોલીસમાં ફરિયાદ
થોડા દિવસ બાદ પતિ તેને હરદોઈમાં છોડીને ત્રણ તલાક લઈ ગયો હતો. ત્યારબાદ પીડિતા પોલીસ અધિક્ષકની ઓફિસ પહોંચી હતી અને ન્યાયની વિનંતી કરી હતી. બઘૌલીના સીઓ વિકાસ જયસ્વાલે જણાવ્યું હતું કે મહિલાએ ફરિયાદ પત્ર આપ્યો હતો. આ મામલે કાર્યવાહી કરવામાં આવી રહી છે.
