સરળ પદ્ધતિ / એક જ ફોનમાંથી કેવી રીતે ચલાવી શકાય 2 WhatsApp, જાણી લો આ રીત

• એક સ્માર્ટફોનમાંથી બે વોટ્સએપ એકાઉન્ટ કેવીરીતે ચલાવશો?
• Oppo, Xiaomi, Vivo, Huawei, Samsung ના ફોનમાં ચલાવી શકશો
• બે સિમવાળા ફીચરનો ઉપયોગ કરી સેકન્ડરી બે વોટ્સએપ ચલાવી શકશો

એક એપના બે વર્ઝન ચલાવવાની મંજૂરી

આ એપની ઘણી સીમાઓ છે, જેમાંથી એક છે એકથી વધારે વોટ્સએપ એકાઉન્ટને સપોર્ટ કરવામાં અસમર્થતા. સત્તાવાર રીતે તમે એક ડિવાઈસમાં ફક્ત એક વોટ્સએપ એકાઉન્ટ ચલાવી શકો છો. અમુક સ્માર્ટફોન નિર્માતા ડ્યુઅલ એપ્સના નામના એક ફીચરની રજૂઆત કરી રહ્યાં છે, જે તમને એકસાથે એક એપના બે વર્ઝન ચલાવવાની મંજૂરી આપે છે.

એક સ્માર્ટફોનમાં બે વોટ્સએપ એકાઉન્ટ કેવીરીતે ચલાવશો?

જો તમે એક ફોનમાં બે વોટ્સએપ એકાઉન્ટ ચલાવવાનું જાણતા નથી, તો ચિંતા કરવાની જરૂર નથી. આજે અમે તમને જણાવીશું કે પોતાના ડ્યુઅલ સિમ મોબાઈલ પર બે વોટ્સએપ એકાઉન્ટ કેવીરીતે સેટ કરો. જ્યારે તમારે ફક્ત એક સેકન્ડરી વોટ્સએપ એકાઉન્ટ ચલાવવા માટે વધુ એન્ડ્રોઈડ ફોનની જરૂર પડતી હતી હવે આ દિવસો વિતી ગયા છે. જો તમારી પાસે Oppo, Xiaomi, Vivo, Huawei, Samsung, OnePlus, Realmeના બે સિમવાળો સ્માર્ટફોન છે. તો બે સિમવાળા ફીચરનો ઉપયોગ કરી તમે પોતાના પ્રાઈમરી ડિવાઈસ પર સેકન્ડરી વોટ્સએપ એકાઉન્ટ સેટ કરી શકો છો. 

બીજુ સિમ કેવીરીતે એક્ટિવ થાય અને ઈન્ટરનેટ સાથે કનેક્ટ થઇ જાય.

1. તમારી એન્ડ્રોઈડ ડિવાઈસના સેટિંગમાં જાઓ.
2. નીચે સ્ક્રોલ કરો અને એપ્સ પર ટેપ કરો.
3. Dual Apps પસંદ કરો અને ક્રિએટ પર ટેપ કરો.
4. ડ્યુઅલ એપ સપોર્ટેડ એપ્સમાંથી WhatsApp પસંદ કરો.
5. ડ્યુઅલ એપ્સને ટોગલ કરે અને ડિવાઈસના વોટ્સએપ ડ્યુઅલ એપને સેટ કરવાની રાહ જુઓ.
6. એપ લોન્ચર પર પાછા જાઓ અને ડ્યુઅલ એપ આઈકનની સાથે વોટ્સએપ ખોલો.
7. પોતાના બીજા નંબરનો ઉપયોગ કરી વોટ્સએપ સેટ કરો.

આ સ્ટેપ Xiaomi ડિવાઈસ માટે

આ સ્ટેપ Xiaomi ડિવાઈસ માટે છે. સ્માર્ટફોન નિર્માતાના હિસાબ મુજબ આ ફીચરનું નામ અને સ્ટેપ અલગ-અલગ થઇ શકે છે. ઓપ્પો ડિવાઈસમાં ફીચરને App Clone કહેવામાં આવે છે. જે રીતે સેમસંગ ડિવાઈસમાં આ Dual Messenger છે. અસૂસ ડિવાઈસમાં Twin Apps, ઓનર ડિવાઈસમાં App Twin અને રિયલમી ડિવાઈસમાં App Cloner. જો તમારી પાસે વન પ્લસ ડિવાઈસ છે તો ઓપ્શનને યુટીલિટી સેટિંગ હેઠળ Parallel apps કહેવામાં આવે છે.