તમારા કામનું / 10-20 રુપિયા રોજના બચાવીને કરોડપતિ બનવાની ઓફર, જાણો ધનવાન બનવાની ટીપ્સ

• દરરોજ 10-20 રૂપિયા બચાવીને કેવીરીતે બનશો કરોડપતિ? 
• જેટલુ જલ્દી રોકાણ શરૂ કરશો ટાર્ગેટ એટલો સરળ થઇ જશે
• મ્યુચ્યુઅલ ફંડમાં SIP કરો, તમને મળશે 18 ટકા રિટર્ન

પૈસા બચાવશો તો નિર્ધારિત લક્ષ્યને પ્રાપ્ત કરી શકશો 

તમે દરરોજ 10 થી 20 રૂપિયા બચાવીને કરોડપતિ બની શકો છો. જો તમારા મનમાં કોઈ સવાલ છે તો આ અહેવાલમાં તમને જવાબ મળી જશે. કોઈ રોકેટ સાયન્સ નથી. આજની તારીખમાં દરેક વ્યક્તિ કરોડપતિ બની શકે છે. પરંતુ તેના માટે ઈચ્છાશક્તિ હોવી જોઈએ. જેની સીધી ફોર્મ્યુલા છે. જો પૈસા બચાવશો તો સરળતાથી નિર્ધારિત લક્ષ્યને પ્રાપ્ત કરી શકો છો. 

શું દરરોજ 10-20 રૂપિયા બચાવીને કરોડપતિ બની શકાય છે?

કોઈ પણ દરરોજ 10-20 રૂપિયા બચાવીને કરોડપતિ બની શકે છે. જેના માટે માત્ર લાંબા સમયગાળા સુધી રોકાણ કરવુ પડશે. જો તમે દરરોજ 10 રૂપિયા બચાવો છો તો મહિનામાં 300 રૂપિયા થાય છે. જેને મ્યુચ્યુઅલ ફંડમાં SIP કરો. જો તમે 35 વર્ષ સુધી દર મહિને 300 રૂપિયા એસઆઈપી કરો છો અને તેના પર 18 ટકા રિટર્ન મળે છે તો પછી 35 વર્ષ બાદ તમને કુલ 1.1 કરોડ રૂપિયાનુ રિટર્ન મળશે. 

20-25 હજાર રૂપિયા કમાતા કોઈ કરોડપતિ બની શકે છે? 

મ્યુચ્યુલ ફંડમાં રોકાણ માટે કોઈ મોટી રકમની જરૂર હોતી નથી. તમે મહિને 500 રૂપિયાથી શરૂઆત કરી શકો છો. તો આજની તારીખમાં દર મહિને હજાર-બે હજાર રૂપિયા બચાવવા દરેક વ્યક્તિ માટે શક્ય છે. એેવામાં મહિનામાં 20 થી 25 હજાર રૂપિયા કમાનારા વ્યક્તિ સરળતાથી લાંબા સમયગાળા સુધી રોકાણ કરી કરોડપતિ બની શકાય છે. જેના માટે તમારે દર મહિને SIPને ચાલુ રાખવાની જરૂર પડશે અને પછી પગાર વધારવાની સાથે રોકાણને વધારો. શરૂઆતમાં તમારી આવકના 10મો ભાગનુ રોકાણ કરો.