- આ રીતે આંખના પલકારામાં તમારું બેંક એકાઉન્ટ ખાલી કરી શકે છે
- ધ્યાન રાખો કે આ ફ્રોડ લિંક્સમાં હંમેશા સ્પેલિંગની ભૂલ અથવા લિંક બ્રેક હશે
- મોબાઈલમાં એવી કોઈ એપ્લિકેશન જે તમે ઈન્સ્ટોલ નથી કરી તો તેને તરત ડિલીટ કરો
Avoid Whatsapp Fraud: એક સમય હતો જ્યારે લોકો મેસેજ(SMS) દ્વારા એકબીજા સાથે વાત કરતા હતા, પરંતુ જો એમ કહેવામાં આવે કે હવે આ મેસેજની જગ્યા વોટ્સએપે લઈ લીધી છે તો કદાચ તેમાં કંઈ ખોટું નહીં હોય. લગભગ દરેક બીજી વ્યક્તિ WhatsApp સાથે જોડાયેલ છે અને વિશ્વભરમાં બે અબજથી વધુ લોકો તેનો ઉપયોગ કરે છે. પરંતુ કદાચ તમને ખબર નહીં હોય કે છેતરપિંડી કરનારાઓ તમને વોટ્સએપ દ્વારા પણ છેતરી શકે છે.
આ માટે વોટ્સએપ યુઝર્સને ફિશિંગ લિંક્સ મોકલવામાં આવે છે, જેમાં વિવિધ પ્રકારની ગિફ્ટ્સ, ફ્રી ડેટા સહિત અન્ય ઘણી લાલચ પર ક્લિક કરવાનું કહેવામાં આવે છે. આવી સ્થિતિમાં, તમારે કેટલીક બાબતોનું ધ્યાન રાખવું જરૂરી છે, નહીં તો તમે તમારા જીવનભરની કમાણી પળવારમાં ગુમાવશો. તો આવો જાણીએ આ લિંક્સ કઈ છે અને તમે તેનાથી કેવી રીતે બચી શકો છો...
આવી લિંકથી બચોઃ
- જો તમને એવી કોઈ લિંક મળે કે જેના URL માં Rediroff.ru હોય, તો ભૂલથી પણ આવી લિંક પર ક્લિક ન કરો.
- આ લિંક્સ ફિશિંગ લિંક્સ છે જે આંખના પલકારામાં તમારું બેંક એકાઉન્ટ ખાલી કરી શકે છે
- જો કોઈ પણ લિંક દાવો કરે છે કે તેના પર ક્લિક કરીને તમારે તમારું નામ, સરનામું અને બેંકિંગ માહિતી વગેરે ભરવાની રહેશે, જેના પછી તમને કેશબેક, ભેટ વગેરે આપવામાં આવશે, તો આવી લિંક પર ક્યારેય ક્લિક ના કરો, કારણ કે તે તમારી સાથે બેંકિંગ માહિતી લઇને છેતરપિંડી કરવાનો પ્રયાસ છે.
આ વાતોનું ખાસ ધ્યાન રાખોઃ
- જો તમારો કોઈ મિત્ર અથવા કોઈપણ નંબર તમારી પાસે આવી કોઈ લિંક સાથે આવે છે જે તમને કેશબેક, ભેટ અથવા ડેટા વગેરે આપવાનો દાવો કરે છે, તો તેના પર ક્યારેય ક્લિક ના કરો અને તેને તરત જ ડિલીટ કરી નાખો.
- ધ્યાન રાખો કે આ ફ્રોડ લિંક્સમાં હંમેશા સ્પેલિંગની ભૂલ અથવા લિંક બ્રેક હશે
જો કરી દીધુ છે ક્લિક, તો શું કરવુ ?
જો ભૂલથી તમે આવી ફિશિંગ લિંક પર ક્લિક કરી દીધું હોય, તો તમારે સૌથી પહેલા તેમાંથી તરત જ બહાર નીકળવાની અને તમારા ડિવાઇસને સ્કેન કરવાની જરૂર છે. જો તમને તમારા મોબાઈલમાં એવી કોઈ એપ્લિકેશન ઈન્સ્ટોલ થતી જણાય કે જે તમે નથી કરી, તો તેને તરત જ અનઈન્સ્ટોલ કરો. પણ તમે તમારા ડિવાઇસને રીસેટ કરી શકો છો.
