તમારા કામનું / તમારા આધાર કાર્ડથી કેટલા સીમકાર્ડ થઈ રહ્યા છે ઓપરેટ? સ્ટેપ બાય સ્ટેપ મેળવો સરળ માહિતી, આવી રીતે કરો રિપોર્ટ

• યૂઝર્સના આધાર પર અન્ય વ્યક્તિ પણ સીમકાર્ડનો ઉપયોગ કરે છે. 
• ફ્રોડની પરિસ્થિતિમાં ટેલિકમ્યુનિકેશ ડિપાર્ટમેન્ટ મદદ કરશે. 
• નવા પોર્ટલ પર આધાર કાર્ડ સાથે જોડાયેલ જાણકારી મળશે. 

સ્માર્ટફોનનો કોલિંગ અને પેમેન્ટ જેવા કામમાં ઉપયોગ કરવા માટે તે સીમકાર્ડ ભારતીય ટેલિકોમ કંપનીનું હોવું જરૂરી છે. સીમકાર્ડ ખરીદવા માટે યૂઝરની આઈડી ખૂબ જ મહત્ત્વપૂર્ણ છે. આ કારણોસર સીમકાર્ડ ખરીદતા સમયે આધાર કાર્ડનો ઉપયોગ થવો તે એક સામાન્ય બાબત છે. અનેક વાર યૂઝર્સ પોતાના માટે અને તો ક્યારેક પરિવારના અન્ય સભ્યો માટે એકથી વધુ સીમકાર્ડ ખરીદે છે. 

આધાર કાર્ડ પર એકથી વધુ સીમકાર્ડ ખરીદી શકાય છે. ડિપાર્ટમેન્ટ ઓફ ટેલિકમ્યુનિકેશનની ગાઈડલાઈન્સ અનુસાર એક આધાર કાર્ડ 9 સીમકાર્ડનો ઉપયોગ કરી શકાય છે. અનેક વાર યૂઝર્સના આધાર પર અન્ય વ્યક્તિ પણ સીમકાર્ડનો ઉપયોગ કરતો હોય છે. આ પ્રકારની ફ્રોડની પરિસ્થિતિમાં ડિપાર્ટમેન્ટ ઓફ ટેલિકમ્યુનિકેશનનું નવું પોર્ટલ તમારી મદદ કરી શકે છે. આંધ્રપ્રદેશ, જમ્મુ કાશ્મીર, કેરળ, રાજસ્થાન અને તેલંગાણામાં રહેતા લોકો જ આ નવા પોર્ટલ પર આધાર કાર્ડ સાથે જોડાયેલ જાણકારી મેળવી શકે છે.

તમારા આધાર કાર્ડ પર કેટલા મોબાઈલ નંબરનો ઉપયોગ કરવામાં આવી રહ્યો છે. 

• સૌથી પહેલા ટેલિકોમ ડિપાર્ટમેન્ટની અધિકૃત વેબસાઈટ tafcop.dgtelecom.gov.in ની મુલાકાત લેવાની રહેશે. 
• મોબાઈલ નંબરની જાણકારી આપીને 'Request OTP' પર ક્લિક કરો. 
• OTP નોંધ્યા બાદ સબમિટ પર ક્લિક કરો. 
• હવે તમે આધાર કાર્ડ સાથે જોડાયેલ જાણકારી મેળવી શકો છો. 
• અજાણ્યો નંબર દેખાય તો તેના પર ક્લિક કરો. 
• અજાણ્યો નંબર દેખાય તો રિપોર્ટ કરવા માટે ત્રણ ઓપ્શનમાંથી કોઈ એક ઓપ્શન પર ક્લિક કરી શકો છો. જો તમે કોઈ જૂનો નંબર નથી વાપરી રહ્યા તો પણ તમે જાણ કરી શકો છો. 

1) This is not my number

2) Not required

3) Required

• હવે રિપોર્ટ પર ક્લિક કરો. 

આધાર કાર્ડ સાથે મોબાઈલ લિંકની જાણકારી મેળવો. 

• UIDAIના ઓફિશિયલ પોર્ટલ www.uidai.gov.in ની મુલાકાત લો. 
• આધાર કાર્ડ નંબર નોંધ્યા બાદ, મોબાઈલ નંબર અને સિક્યોરિટી કોડ નોંધવાનો રહેશે. 
• 'Send OTP' પર ક્લિક કરો. 
• મોબાઈલ નંબર લિંક થયા બાદ OTP આવશે, જે નોંધીને તમે વેરિફાઈ કરી શકો છો. 
• મોબાઈલ નંબર લિંક ના હોય તો “Your mobile is not enrolled in our records” આ પ્રકારનો મેસેજ આવશે. 
• આધાર કાર્ડ લિંક કરવા માટે નજીકના આધાર સેન્ટરની મુલાકાત લો.