બોલિવૂડ / હની સિંહે કહ્યું મને મોતનો ડર, પોલીસની તાત્કાલિક માંગી મદદ, એવું તો સિંગર સાથે અચાનક શું થયું

• ગેંગસ્ટર ગોલ્ડી બરાડે હની સિંહને આપી ધમકી
• વોઈસ નોટ સાંભળતા હની સિંહ થયાં ભયભીત
• દિલ્હીનાં સ્પેશિયલ સેલમાં નોંધાવી ફરિયાદ

ફેમસ સિંગર અને rapper હની સિંહને ધમકી મળી છે. હની સિંહને કેનેડામાં બેઠેલા ગેંગસ્ટર ગોલ્ડી બરાડે વોઈસ નોટ મોકલીને ધમકી આપી છે. હની સિંહનાં ઓફિસની તરફથી દિલ્હી પોલીસની સ્પેશિયલ સેલમાં ફરિયાદ નોંધવામાં આવી હતી પરંતુ પછી પોતે હની સિંહ પોલીસ હેડક્વાર્ટર પહોંચ્યાં હતાં. સ્પેશિયલ સેલે આ વોઈસ નોટ સાંભળ્યાં બાદ આગળની તપાસ પ્રક્રિયા શરૂ કરી છે.

હની સિંહને મળી ધમકી
ગોલ્ડીની તરફથી આવેલ વોઈસ નોટમાં શું ધમકી છે તે અંગે હની સિંહે કોઈ જ ઉલ્લેખ કર્યો નથી પરંતુ સમય આવશે ત્યારે બધું જણાવશે તેવું કહ્યું. હની સિંહે કહ્યું કે' મેં પોલીસ કમિશ્નર સાથે મુલાકાત કરી, મને અને મારા સ્ટાફને કોઈએ કૉલ કર્યો હતો. ગોલ્ડી બરાડનાં નામથી કોઈએ કોલ કર્યો હતો. મેં CP SIRને સિક્યોરિટી આપવાની રિક્વેસ્ટ કરી છે. હું ભયભીત છું.' હની સિંહને જ્યારે પૂછવામાં આવ્યું કે શું ધમકી મળી છે ત્યારે તેમણે કહ્યું કે હું બધું અત્યારે નહીં જણાવી શકું. હું કનસલ્ટ કરીને તમને ઈન્ફોર્મ કરીશ. મેં પોલીસે પુરાવાઓ સોંપી દીધાં છે.

કોણ છે ગોલ્ડી?
ગોલ્ડી બરાડ સિદ્ધૂ મૂસેવાલાની હત્યાનો મુખ્ય આરોપી છે જે હાલમાં ફરાર છે. પોલીસ ગોલ્ડીની તપાસ કરી રહી છે. હની સિંહની ફરિયાદ અનુસાર તેની લેટેસ્ટ લોકેશન કેનેડા જોવા મળી છે. ગોલ્ડી બરાડનું સાચું નામ સતવિંદરજીત સિંહ છે.ગોલ્ડી લોરેંસ બિશ્નોઈનો ખાસ છે. ગેંગસ્ટર કેનેડાથી જ આખી ગેંગનું હેન્ડલિંગ કરે છે. ગોલ્ડીએ હની સિંહ પહેલાં એક્ટર સલમાન ખાનને 2023માં ઈ-મેઈલ મોકલીને મારવાની ધમકી આપી હતી.