- રાશિ પ્રમાણે કરો હોળીકા દહનમાં વસ્તુઓ અર્પિત
- મળશે ઈચ્છા અનુસાર ફળ
- જાણો કઈ રાશિના લોકોએ શું અર્પણ કરવું
હોળીકા દહનના આ અવસર પર લોકો અનેક પ્રકારની પૂજા કરે છે. જ્યોતિષ શાસ્ત્ર અનુસાર આ દિવસે તમે કેટલાક ઉપાય કરી શકો છો. તમે તમારી રાશિ પ્રમાણે આ ઉપાયો કરી શકો છો. આ દરમિયાન તમારે હોળીકા દહનની અગ્નિમાં કેટલીક વસ્તુઓ અર્પણ કરવાની છે.
આ ઉપાયો તમારા જીવન સાથે જોડાયેલી ઘણી સમસ્યાઓને દૂર કરવામાં કામ આવી શકે છે. હોળીકા દહનના શુભ મુહૂર્ત પર, તમે તમારી રાશિ અનુસાર આ ઉપાયો કરી શકો છો.
મેષ
આ રાશિના લોકોએ નારિયેળ પર નાળાછડી બાંધીને અને ચંદનનું તિલક લગાવીને હોળીકા દહનની અગ્નિમાં અર્પણ કરવું જોઈએ. તેનાથી તમામ સમસ્યાઓ દૂર થશે.
વૃષભ
આ રાશિના લોકો ગુલાબી કપડામાં 5 સોપારી અને 11 કોડિયા બાંધીને તેના પર અષ્ટગંધનું તિલક કરો. તેના બાદ તેને માથા પરથી 7 વખત વારી લો અને હોળીકા દહનની અગ્નીમાં અર્પિત કરો. આ કાર્યક્ષેત્રની દરેક મુશ્કેલીઓને દૂર કરવામાં મદદ કરશે.
મિથુન
હોળીકા દહનના દિવસે તમારે ભગવાન ગણેશની સામે ઘીના દિવા સળગાવવા અને ભગવાનની સામે 21 મખાના મુકો. હોળીકા દહનના સમયે પોતાની પરેશાની જણાવતા તેને અગ્નિમાં અર્પિત કરો.
કર્ક
હોળીકા દહને ઘઉં અને ચોખાના લોટને મિક્ષ કરીને તેનાથી ચાર મુખી દિવો બનાવો. તલના તેલનો દિવો ઘરના મુખ્ય દ્વાર પર મુકો. હોળીકા દહનની અગ્નિમાં જઉંના 27 દાણા અર્પિત કરો. તેનાથી દરેક અધૂરા કાર્યો પૂરા થશે.
સિંહ
ઘરના પૂજા સ્થળ પર એક સોપારી, એક પતાસુ અને ઘીમાં ડૂબાળેલા 5 લવિંગ મુકો. તેને તમારા માથા પર 7 વખત વારી લો. ત્યાર બાદ તેને હોળિકાની અગ્નિમાં અર્પિત કરે. તેનાથી તમારા બગડેલા કામ સફળ થશે.
કન્યા
22 લવિંગ અને 11 કપૂરના ટુકડા લઈને પરિવારના દરેક સદસ્યોને સ્પર્શ કર્યા બાદ મંદિરમાં મુકી દો. આ બધી વસ્તુઓને હોળીકા દહનની અગ્નીમાં અર્પિત કરો. આમ કરવાથી પરિવારની દરેક સમસ્યા દૂર થશે.
તુલા
પીપળના પાન પર એક સોપારી, 21 આખા ચોખાના દાણા અને 11 સાકરના દાણા મુકો. તેને ઘરના ચારે બાજુ ફેરવો. ત્યાર બાદ તેને હોળીકા દહનની અગ્નિમાં અર્પિત કરી લો. આમ કરવાથી પરિવારમાં શાંતિ બની રહેશે.
વૃશ્ચિક
એક સોપારી અને નારિયેળને પાનના પત્તા પર મુકો. હનુમાન ચાલીસાનો પાઠ કરો. હોળીકા દહનના સમયે આ વસ્તુઓને અગ્નિમાં અર્પિત કરો. આમ કરવાથી વ્યાપારમાં ચાલી રહેલી મુશ્કેલીઓ દૂર થશે.
ધન
લાલ કપડામાં 7 પ્રકારના અનાજના દાણા મુકો અને તેને બાંધી લો. તેને ઘરની ચારે બાજુ ફેરવી અને હોળીકા દહનની અગ્નિમાં અર્પિત કરો. આમ કરવાથી ગ્રહોનો સકારાત્મક પ્રભાવ પડશે.
મકર
એક ચતુર્થાંશ મુઠ્ઠી કાળા તલ અને 2 લવીંગ પીપળના પત્તા પર મુકીને ઘરના પશ્ચિમ દિશામાં મુકી દો. ત્યાર બાદ તેને 7 વખત માથા પરથી વારી લો. ત્યાર બાદ તેને હોળિકા દહનની અગ્નિમાં અર્પિત કરો.
કુંભ
હોળીકાની અગ્નિમાં કાળા સરસવને અર્પિત કરો. ત્યાર બાદ 25 વખત અગ્નિની પરિક્રમા કરો.
મીન
લાલ કપડામાં મુઠ્ઠી ભરી હવન સામગ્રી, એક સુકાયેલી હળદળના મૂળ, 2 સોપારી અને 2 કપૂર અને 2 લવિંગનું એક બંડલ બનાવી લો. હોળીકાના 7 વખત ચક્કર લગાવીને તેને અગ્નિમાં અર્પિત કરો. તેનાથી તમારા મનની બેચેની અને ડર દૂર થશે.
