ટોક્યો ઓલિમ્પિકમાં આર્જન્ટીનાની સામેના પરાજય બાદ નિરાશ થયેલી ભારતીય મહિલા હોકી ટીમનું મનોબળ પ્રધાનમંત્રીએ વધાર્યું છે.
પ્રધાનમંત્રી મોદીએ હોકી કેપ્ટન રાની રામપાલ સાથે ફોન પર વાત કરી
ભારતીય મહિલા હોકી ટીમનું મનોબળ વધાર્યું
ટીમના સારા પ્રદર્શન બદલ રાનીને અભિનંદન આપ્યા
હારજીત તો જીવનનો હિસ્સો છે, તમારે મન પર ન લેવું જોઈએ-મોદી
આર્જિન્ટિના સામે ભારતીય હોકી ટીમનો પરાજય થયો છે
સોશિયલ મીડિયા પરના ટ્વિટ બાદ પ્રધાનમંત્રી મોદીએ હોકી ટીમના કેપ્ટન રાની રામપાલ અને કોચ Sjoerd Marijne સાથે ટેલિફોન પર વાત કરીને સારા પ્રદર્શન બદલ અભિનંદન આપ્યા.
પ્રધાનમંત્રીએ રાનીને કહ્યું કે અમને તમારા પ્રદર્શન પર ગૌરવ છે
પ્રધાનમંત્રીએ રાનીને કહ્યું કે અમને તમારા પ્રદર્શન પર ગૌરવ છે. તમારી આખી ટીમ સ્કીલથી ભરેલી છે તમે ઘણી મહેનત કરી છે. હવે તમારે ભવિષ્ય તરફ નજર નાખીએ જોઈએ. હારજીત તો જીવનનો હિસ્સો છે, તમારે મન પર ન લેવું જોઈએ. આ પહેલા પણ પીએમ મોદીએ હોકી ટીમનું મનોબળ વધાર્યું હતું. તેમણે કહ્યું કે આ ઓલિમ્પિક અમે તમારા શ્રેષ્ઠ પ્રદર્શન માટે હમેંશા યાદ રાખીશું.
ત્રીજા ક્વાર્ટર બાદ ભારતનાં હાથમાંથી મેચ ખસકી
ઑલિમ્પિક્સમાં ભારતની મહિલા હૉકી ટીમ આજે આર્જેન્ટિના સામે સેમીફાઇનલમાં મેદાનમાં ઉતરી હતી. આ ઐતિહાસિક મેચ પર દેશ આખાની નજર હતી. ભારતની દીકરીઓએ આર્જેન્ટિનાને જોરદાર ટક્કર આપી પરંતુ પહેલા હાફ બાદ ભારતનાં હાથમાંથી ધીરે ધીરે મેચ જતી રહી. ભારતની દીકરીઓએ છેલ્લી ઘડી સુધી ટક્કર આપી અને મેચ રોમાંચક બની રહી. જોકે તે બાદ હારનો સામનો કરવો પડ્યો હતો.
ટોક્યોમાં આજે ઑલિમ્પિક્સનો 13મો દિવસ
ટોક્યો ઑલિમ્પિક્સનો આજે 13મો દિવસ છે, આજે સવારે મહિલા પહેલવાન લવલીનાએ સેમીફાઇનલમાં હારનો સામનો કરવો પડ્યો અને તેમને બ્રોન્ઝ મેડલ મળ્યો છે ત્યારે ભારતનાં બે પુરુષ પહેલવાનોએ પણ આજે જોરદાર પ્રદર્શન કર્યું હતું. રવિ દહિયાએ શાનદાર પ્રદર્શન કરતાં સિલ્વર મેડલ પાક્કો કર્યો છે જ્યારે આજે પુનિયાની હાર થઈ હતી, જોકે તેમની પાસે પણ બ્રોન્ઝ જીતવાની તક છે.
બંને ટીમોએ આપી જોરદાર ટક્કર
મેચનાં પહેલા હાફ બાદ ભારત અને આર્જેન્ટિના વચ્ચે રસાકસી જામી હતી. ભારત અને આર્જેન્ટિના બંને 30 મિનિટમાં સામસામે જોરદાર ટક્કર આપતા દેખાયા. પહેલા ક્વાર્ટરમાં ભારત અને બીજા ક્વાર્ટરમાં આર્જેન્ટિનાને મળ્યો ગોલ.