સુઓમોટો અરજી / કેટલી શાળા જર્જરિત, કેટલી શાળા ભાડાના મકાનમાં ચાલે છે? ગુજ.હાઈકોર્ટના સવાલો સામે અધિકારી મૌન, આપ્યો આ આદેશ

• રાજ્યની જર્જરિત સ્કૂલો મુદ્દે હાઇકોર્ટે રાજ્ય સરકારનો લીધો ઉધડો
• હાલના તબક્કે જર્જરિત શાળાઓ કેટલી..? HC 
• રાજ્યની જર્જરિત શાળાઓ મુદ્દે હાઈકોર્ટ લીધી છે સુઓમોટો અરજી

ગુજરાત હાઈકોર્ટે એક પ્રાથમિક શાળાના વિદ્યાર્થીઓને શિયાળામાં ખુલ્લામાં અભ્યાસ કરવા મુદ્દે એક સુઓમોટો પીઆઈએલ હાથ ધરી હતી. કારણ કે તે શાળા જર્જરિત બિલ્ડિંગ ચોમાસામાં તૂટી પડી હતી. જોકે હાલમાં પણ અનેક સરકારી શાળાઓની હાલત ખૂબ જ ગંભીર છે. તથા તેની જાળવણી પણ પૂરતી કરવામાં નથી આવતી. ત્યારે હવે ગુજરાતની જર્જરિત શાળાઓ મુદ્દે ગુજરાત હાઇકોર્ટે રાજ્ય સરકારનો ઉધડો લીધો છે.

જર્જરિત શાળાઓ અંગે ગુજરતા હાઈકોર્ટે સરકાર પાસે વિગતો માગી છે. હાઈકોર્ટે કહ્યું કે, હાલના તબક્કે જર્જરિત શાળાઓ કેટલી? કોર્ટે વલસાડની ધરમપુર શાળાનું ઉદાહરણ આપ્યું છે. ધરમપુરની અનેક શાળાઓમા પીવાનું પાણી પણ ઉપ્લબ્ધ નથી. કેટલી શાળાઓ ભાડાના મકાનમાં ચાલે છે?

હાઇકોર્ટના સવાલ પર સરકારી અધિકારીનું કોર્ટમાં મૌન 
હાઇકોર્ટના સવાલ પર સરકારી અધિકારીનું કોર્ટ કોઈ જવાબ ન આપી શક્યા. હાઈકોર્ટે કહ્યું કે, તમામ માહિતી જિલ્લા વાઈસ તૈયાર કરે. વિગતવાર કોર્ટમા રિપોર્ટ રજુ કરવા કોર્ટે સરકારને આદેશ આપ્યો છે.

બેદરકારી કરનાર અધિકારીને સસ્પેન્ડ કરો ઃ મહેસાણા DEO સામે હાઈકોર્ટની લાલ આંખ

મહેસાણા DEO સામે હાઈકોર્ટે લાલ આંખ કરી છે. શિક્ષકોને નિવૃત્તિની રકમ ન આપતા HC નાણાં અધિકારીનો ઉધડો લીધો હતો. 3 શિક્ષકોને નિવૃત્તિના લાભથી વંચિત રાખતા HCએ નારાજગી વ્યક્ત કરી હતી. હાઈકોર્ટે કહ્યું કે, બેદરકારી કરનાર અધિકારીને સસ્પેન્ડ કરો. આવા બેદરકાર અધિકારીને ઘરે બેસાડો. આવા અધિકારી સામે કાર્યવાહી કરો. આવતીકાલ સુધી બાકી નીકળતી રકમના ચેક મોકલી આપો.

રાજ્યમાં એકલવ્ય સ્કૂલના સત્તાધીશો સામે HCમાં અરજી

સખી મંડળે સ્કૂલના ભોજનનો વિવાદ મૂદ્દે ગુજરાત હાઇકોર્ટમાં અરજી કરી છે. સખી મંડળ પાસેથી કોન્ટ્રાકટ છીનવી લેવાનો અરજીમાં આક્ષેપ કરાયો છે. ખાનગી એજન્સીને કોન્ટ્રાકટ સોંપતા સખી મંડળની કોર્ટમાં કરાઈ છે. સરકારના 2012ના પરિપત્રનો અનાદર કર્યા હોવાની રજુઆત કરવામાં આવી છે. હાઈકોર્ટે સરકારને નોટિસ ઈશ્યુ કરી છે. રાજ્યમાં 24 સ્થળો પર સ્ફુલ કાર્યરત છે. દાહોદ, છોટા ઉદેપુર, પંચમહાલમાં સ્કૂલ કાર્યરત છે.