શર્મસાર / સુરતમાં શિક્ષક બન્યો હેવાન, વિદ્યાર્થી પર આચર્યુ સૃષ્ટિ વિરદ્ધનું કૃત્ય

• સુરતનો શિક્ષક બન્યો હેવાન
• ગુરુ-શિષ્યની પરંપરા લગાડ્યુ કલંક
• વિદ્યાર્થી પર આચર્યુ સૃષ્ટિ વિરદ્ધનું કૃત્ય

ગુરુ વિના જ્ઞાન નહીં એવુ આપણાં શાસ્ત્રોમાં લખવામાં આવ્યુ છે. પરંતુ આજે એક એવી ઘટના સામે આવી છે જે કથામાં ગુરુ જ હેવાન બન્યો છે. સમગ્ર ઘટના સુરતની છે. સુરતમાં શિક્ષકે વિદ્યાર્થી સાથે સૃષ્ટી વિરુદ્ધનું કૃત્ય આચર્યુ છે.

સુરતનો શિક્ષક બન્યો હેવાન
શિક્ષકને શાસ્ત્રોમાં ગુરુની પદવી આપવામાં આવી છે. ગુરુ અંધકારમાંથી પ્રકાશ તરફ લઈ જાય છે તેમ શિક્ષક પણ અજ્ઞાનમાંથી જ્ઞાનના પ્રકાશ તરફ લઈ જાય છે. પરંતુ ઘણા શિક્ષકો શિક્ષકો નહીં પણ હેવાન હોય છે. ત્યારે આવા જ એક હેવાન શિક્ષકની અહીં વાત છે. આ શિક્ષકે તેના ટ્યૂશનમાં ભણતા માત્ર આઠ વર્ષના વિદ્યાર્થી પર સૃષ્ટી વિરુદ્ધનું કૃત્ય આચર્યુ છે. આ હેવાન બનેલા શિક્ષકનું નામ ગણેશ આહિરે છે. અને ડિંડોલી વિસ્તારમાં પોતાનું ટ્યૂશન ક્લાસ ચલાવે છે. જોકે આ મામલે ફરિયાદ નોંધાતા પોલીસે ગણેશ આહિરેની ધરપકડ કરી છે અને આ અંગે વધુ તપાસ હાથ ધરી છે.

ગુરુ-શિષ્યની પરંપરા લગાડ્યુ કલંક
ટ્યૂશન કલાસિસમાં બનેલી સમગ્ર ઘટનાની વાત કરીએ તો ડિંડોલી વિસ્તારમાં આ આરોપી ગણેશ આહિરેનું ટ્યૂશન ક્લાસિસ આવેલુ છે. આ ટ્યૂશન ક્લાસમાં વિદ્યાર્થીઓ આસપાસમાંથી વિદ્યાર્થી અહીં અભ્યાસ કરવા આવે છે. ત્યારે શુક્રવાર સાંજે આ હેવાનની માનસિક વિકૃતતા સામે આવી છે. ટ્યૂશનમાં અભ્યાસ કરતા એક વિદ્યાર્થીને આ હેવાન શિક્ષક વોશરૂમમાં લઈ ગયો હતો અને વિદ્યાર્થી પર સૃષ્ટી વિરુદ્ધનું કૃત્ય આચર્યું હતુ. સમગ્ર ઘટના બાદ વિદ્યાર્થી જ્યારે ઘરે ગયો ત્યારે આ વિદ્યાર્થીએ માતા-પિતાને દુર્ઘટના અંગે જાણ કરી હતી. 

પોલીસે આરોપી શિક્ષકને ઝડપી પાડ્યો
ઘટનાની જાણ થતા વિદ્યાર્થીના માતા-પિતાએ ડિંડોલી પોલીસ સ્ટેશનમાં ફરિયાદ નોંધાવી હતી. ડિંડોલી પોલીસે આરોપી શિક્ષક ગણેશ આહિરેની ધરપકડ કરીને તપાસ શરૂ કરી હતી. જ્યારે વિદ્યાર્થીને સારવાર અર્થે સ્મિમેર હોસ્પિટલમાં દાખલ કરવામાં આવ્યો હતો. આવા શિક્ષકો જ્યારે હેવાન બને છે ત્યારે શિક્ષકની ગરિમાનું હનન થાય છે. જોકે હાલ તો પોલીસે આ હેવાન શિક્ષકની ધરપકડ કરીને વધુ તપાસ હાથ ધરી છે.