જમ્મુ-કાશ્મીરના પહાડી વિસ્તારોમાંથી માયાનગરી મુંબઈ સુધી ચોમાસું વરસી રહ્યું છે. હવામાન વિભાગના જણાવ્યા અનુસાર દેશના 20 થી વધુ રાજ્યોમાં બે દિવસથી વરસાદ પડી રહ્યો છે.
દેશના 20 થી વધુ રાજ્યોમાં બે દિવસથી વરસાદ પડી રહ્યો છે.-હવામાન વિભાગ
હિમાચલ પ્રદેશ, ઉત્તરાખંડ, જમ્મુ-કાશ્મીર અને મહારાષ્ટ્રના ઘણા વિસ્તારોમાં બે દિવસથી ભારે વરસાદ પડી રહ્યો છે. જેના કારણે પહાડી રાજ્યોમાં અનેક જગ્યાએ પૂર અને ભૂસ્ખલનના કારણે અકસ્માતો થયા છે. બુધવારે હિમાચલના કુલ્લુ અને શિમલામાં વાદળ ફાટવા, પૂર અને ભૂસ્ખલનને કારણે 5 લોકોના મોત થયા છે, જ્યારે 5 લોકો લાપતા છે. બીજી તરફ રાજસ્થાનમાં વીજળી પડવાથી બુંદીમાં 2, બરાનમાં 2 અને ભરતપુરમાં એકનું મોત થયું હતું. હવામાન વિભાગે રાજસ્થાનના ઘણાં જિલ્લાઓમાં રેડ એલર્ટ જાહેર કર્યુ છે.
Isolated heavy rainfall likely over Jammu & Kashmir, Ladakh, Gilgit, Baltistan & Muzaffarabad on 05th; Himachal Pradesh on 05th, 07th-09th & Uttarakhand during 07th-19th July.
Isolated heavy to very heavy rainfall over Himachal Pradesh on 06th and Uttarakhand on 05th & 06th July.
— India Meteorological Department (@Indiametdept) July 5, 2022
કર્ણાટકના પંજકલ ગામમાં ભૂસ્ખલન
પ્રાપ્ત વિગતો અનુસાર કર્ણાટકના દક્ષિણ કન્નડ જિલ્લામાં ભૂસ્ખલનથી ત્રણ લોકોના મોત થયા છે. ભારે વરસાદ બાદ પંજકલ ગામમાં ભૂસ્ખલન થયું હોવાનું પોલીસે જણાવ્યું હતું. એકનું ઘટનાસ્થળે જ મોત થયું હતું. ત્રણ લોકોને બચાવી લેવાયા હતા. જેમાંથી 2ના સારવાર દરમિયાન મોત થયા હતા. હવામાન વિભાગે કોસ્ટલ કર્ણાટકના જિલ્લાઓ માટે રેડ એલર્ટ જાહેર કર્યું છે.
ભોપાલમાં ગુરુવાર સવારથી વરસાદ પડી રહ્યો છે. ગુરુવારે ઈન્દોર, જબલપુર અને ઉજ્જૈનમાં પણ વરસાદની સંભાવના છે. MPની મધ્યમાં નીચા દબાણવાળા વિસ્તારની રચનાને કારણે ભારે વરસાદ પડી રહ્યો છે. ગ્વાલિયર-ચંબલમાં બુધવારે ગરમી, ભેજ અને પછી વરસાદ વચ્ચે ઘણી જગ્યાએ વીજળી પડી હતી. જેમાં 8 લોકોના મોત થયા હતા અને 4 લોકો ગંભીર રીતે ઘાયલ થયા હતા. સૌથી વધુ મૃત્યુ શ્યોપુરમાં થયા છે. છતરપુરમાં પણ માતા-પુત્ર સહિત ત્રણે જીવ ગુમાવ્યા હતા.
oFairly widespread/widespread rainfall & thunderstorm/lightning with isolated heavy rainfall very likely over Odisha, Chhattisgarh, Madhya Pradesh, Maharashtra, Gujarat state, Kerala & Mahe, Coastal Andhra Pradesh & Yanam, Telangana and Karnataka during next 5 days. pic.twitter.com/w7adaHIa3J
— India Meteorological Department (@Indiametdept) July 7, 2022
મહારાષ્ટ્રના ઘણા વિસ્તારોમાં રેડ એલર્ટ
બુધવારે સાંજથી મુંબઈ, થાણે અને નવી મુંબઈના મોટાભાગના વિસ્તારોમાં ભારે વરસાદ ચાલુ છે. 1 જૂનથી મોસમનો કુલ વરસાદ 958 મીમી નોંધાયો હતો. જે કુલ 2,205 મીમી વરસાદના 43% છે. સતારા જિલ્લાના પ્રતાપગઢ કિલ્લા પાસે આજે રાત્રે ભારે વરસાદ બાદ ભૂસ્ખલન થયું હતું. બીજી તરફ દાદર અને સાયનના વિસ્તારોમાં પાણી ભરાયેલા જોવા મળ્યા હતા.
હિમાચલ અને ઉત્તરાખંડમાં ભારે વરસાદની ચેતવણી
કુલ્લુના મણિકરણમાં ઘણા વિસ્તારોમાં પાણી ભરાઈ ગયા હતા. હવામાન વિભાગે આગામી 24 કલાકમાં હિમાચલ અને ઉત્તરાખંડમાં કેટલીક જગ્યાએ ભારે વરસાદની ચેતવણી આપી છે. કુલ્લુમાં મલાના પ્રોજેક્ટને નુકસાન થયું છે. અહીં 25-30 લોકો પૂરમાં ફસાયા હતા, જેમને બચાવી લેવાયા હતા. ઉત્તરાખંડમાં ભૂસ્ખલન બાદ બદ્રીનાથ, કેદારનાથ યાત્રા રોકવી પડી હતી.હવામાન વિભાગના જણાવ્યા અનુસાર, હરિદ્વાર, દેહરાદૂન, ટિહરી, પૌરી, નૈનીતાલ અને અલમોડા જિલ્લામાં ગાજવીજ સાથે ભારે વરસાદની સંભાવના છે.
West Uttar Pradesh during 08th-10th; Rajasthan on 07th, 08th & 10th July, 2022.
Isolated heavy to very heavy rainfall also likely over north Punjab & north Haryana, Chandigarh and south Rajasthan on 09th July, 2022.
— India Meteorological Department (@Indiametdept) July 7, 2022
રાજસ્થાનમાં છેલ્લા 24 કલાકમાં વીજળી પડવાથી 5 લોકોના મોત થયા
રાજસ્થાનમાં છેલ્લા બે દિવસથી ભારે વરસાદ પડી રહ્યો છે. ત્યારે રાજસ્થાનમાં છેલ્લા 24 કલાકમાં વીજળી પડવાથી એક મહિલા સહિત 5 લોકોના મોત થયા છે. કારવાર પોલીસ સ્ટેશન વિસ્તારના અરિયાલી અને દેઈના સુસાડિયન ગામમાં બુધવારે બે ખેડૂતોના મોત થયા હતા, જ્યારે મંગળવારે વીજળી પડવાથી ત્રણ લોકોના મોત થયા હતા. જેમાં વૃદ્ધ ખેડૂત યુગલોનો સમાવેશ થાય છે.
ગુજરાતના 12 તાલુકામાં સિઝનનો 20 ઈંચથી 40 ઈંચ વરસાદ ખાબક્યો
હવામાન વિભાગે હજુ 5 દિવસ ભારે વરસાદની આગાહી કરી છે. એવામાં રાજ્યના 12 તાલુકામાં સિઝનનો 20 ઈંચથી 40 ઈંચ વરસાદ વરસ્યો છે. જ્યારે 41 તાલુકામાં સિઝનનો 10 ઈંચથી 20 ઈંચ વરસાદ વરસ્યો છે. તો 70 તાલુકામાં સિઝનનો 5 ઈંચથી 10 ઈંચ વરસાદ નોંધાયો છે. 96 તાલુકામાં સિઝનનો 2 ઈંચથી 5 ઈંચ વરસાદ અને 32 તાલુકામાં સિઝનનો 2 ઈંચ વરસાદ વરસ્યો છે.