મોટી ચોરી / જોઈ છે આવી ચોરી ક્યાંય ? 17 કિલો સોનું અને પાંચ લાખની રોકડ લૂંટીને બદમાશો ફરાર, જુઓ ચોંકાવનારો VIDEO

યુપીના આગરામાં ચોરીની સનસનીખેજ ઘટના સામે આવી
કમલા નગર સ્થિત મણપ્પુરમ ગોલ્ડ લોનની ઓફિસમાં દિવસે મોટી લૂંટ
17 કિલો સોનું અને પાંચ લાખ રોકડા લૂંટીને બદમાશો ફરાર 

આગ્રાના કમલાનગરમાં શનિવારે ધોળા દિવસે સાડા 8 કરોડ રૂપિયાની ચોરી થઈ છે. 4 આરોપીઓ હથિયારો સાથે મણપ્પુરમની ઓફિસમાં ઘુસી ગયા અને આખા ઓફિસ સ્ટાફને બંદી બનાવી લીધો હતો. ત્યારપછી આરોપીઓએ 17 કિલો સોનું અને 5 લાખ રૂપિયાની ચોરી કરી હતી. આ મુદ્દે મેનેજરે કહ્યું હતું કે લૂંટ દરમિયાન આરોપીએ સ્ટાફના સભ્યોને ઢોર માર પણ માર્યો હતો.

#UttarPradesh: आगरा में मणप्पुरम गोल्ड लोन से 17 किलो सोना और पांच लाख का कैश लूट ले गए लुटेरे#Agra #ViralVideo pic.twitter.com/23io02Krvk

— Hindustan (@Live_Hindustan) July 17, 2021

આ સમગ્ર લૂંટની ઘટના માત્ર 25 મિનિટમાં ઘટી હતી. CCTV ફુટેજમાં જોવા મળ્યું હતું કે 2 આરોપીઓ ઓફિસમાં લૂંટ કરતા હતા ત્યારે અન્ય 2 બહાર ઊભા રહ્યા હતા. લૂંટ કર્યા પછી બધા અલગ-અલગ રસ્તા પકડીને ફરાર થઈ ગયા હતા. પોલીસે ફુટેજના આધારે કાર્યવાહી કરી હતી, જેમાં 2 આરોપી સહિત 1 શંકાસ્પદની ધરપકડ કરવામાં આવી છે. લૂંટ પછી ગણતરીની સમયમાં 2 આરોપીની ધરપકડ
લૂંટ કર્યા પછી પોલીસ અને આરોપીઓ વચ્ચે ઘર્ષણ થયું હતું. તેમાં પોલીસે ગોળીબાર શરૂ કરતા બાળક પર સવાર એક આરોપીના પગમાં ગોળી વાગી હતી. જેના કારણે તે બાઇક પરથી પડી ગયો હતો અને પોલીસે તકનો લાભ ઉઠાવી બંનેની ધરપકડ કરી હતી. અત્યારે પોલીસ આ બંને આરોપી સાથે પૂછપરછ કરી રહી છે.

મેડિકલ સ્ટોરના કર્મચારીએ લૂંટ કરી
લૂંટ દરમિયાન ઓફિસની અંદર હાજર એક શખસની પોલીસે ધરપકડ કરી લીધી છે. શંકાસ્પદ આરોપીનું નામ હર્ષ છે અને તે ઘટનાસ્થળથી 200 મીટર દૂર આવેલી મેડિકલ શોપમાં નોકરી કરે છે. પોલીસને શંકા છે કે આ સમગ્ર લૂંટ એના નેતૃત્વ હેઠળ કરાઈ છે.

ગ્રાહક બનીને ઓફિસમાં ઘુસ્યો
આરોપીની ઉંમર 22થી 26 વર્ષ વચ્ચે છે. તે લોકો સ્થાનિક ભાષા બોલતા હતા. તેમને પહેલા તો ગ્રાહક બનીને 2-2ના ગ્રુપમાં ઓફિસની અંદર એન્ટ્રી મારી હતી. ત્યારપછી મેનેજર પાસે ગોલ્ડ લોન લેવાની અપીલ કરી. મેનેજરે જેવું તેમને સમજાવવાનું શરૂ કર્યું કે તરત જ આરોપીએ હથિયારો બહાર કાઢીને મેનેજર સહિત આખા સ્ટાફને બંદી બનાવી લીધો.

સ્ટાફના દરેક લોકો જ્યાકે તેમના તાબા હેઠળ આવી ગયા ત્યારે એક આરોપી મેનેજરને લઇને સ્ટ્રોંગ રૂમમાં પહોંચ્યો હતો. ત્યાં આવીને આરોપીએ રૂમમાં રાખેલું સોનું તથા રોકડ રકમ બેગમાં ભરી લીધું હતું. આરોપીઓ 25 મિનિટમાં તો ગેંગ સાથે ઘટનાસ્થળથી ફરાર થઈ ગયા હતા.