- IPL 2022માં હાર્દિક પંડ્યાએ ગુજરાત ટાઈટન્સને ખિતાબ જીતાડ્યો
- હાર્દિક પંડ્યાએ બીસીસીઆઈને એક ખાસ ઈન્ટરવ્યુ આપ્યો
- 'મેં હંમેશા સખત પરિશ્રમ અને પ્રામાણિકતાથી કામ કર્યુ'
સવારે 5 વાગ્યે ટ્રેનિંગ લેતો હતો હાર્દિક પંડ્યા
હવે હાર્દિક પંડ્યાએ સાઉથ આફ્રિકા સામે ધમાકેદાર ઈનિંગ રમ્યા બાદ બીસીસીઆઈને એક ખાસ ઈન્ટરવ્યુ આપ્યો. હાર્દિકે કહ્યું, વાપસીને લઇ મારા વિશે ઘણી વાતો કહેવામાં આવી છે. હું બસ પોતાને જવાબ આપવા માગતો હતો. હું આ નક્કી કરવા માટે સવારે 5 વાગ્યે ઉઠીને ટ્રેનિંગ લેતો હતો. પછી હું બીજી વખત સાંજે 4 વાગ્યે ગ્રાઉન્ડમાં જતો હતો. કારણકે એ નક્કી થઇ શકે કે મેં પોતાની જાતને આરામ આપ્યો છે. હું આ 4 મહિના દરમ્યાન રાત્રે 9:30 વાગ્યે ઊંઘતો હતો. મેં ઘણા બલિદાન આપ્યાં, પરંતુ મારા માટે એ લડાઈ હતી જે મેં આઈપીએલ રમતા પહેલા લડી. સારું પરિણામ જોતા સંતોષ થયો.
મેં હંમેશા સખત પરિશ્રમ કર્યો છે: હાર્દિક
મને ખબર હતી કે મેં આ પ્રકારની સખત મહેનત કરી છે. પોતાના જીવનમાં મેં હંમેશા સખત પરિશ્રમ કર્યો છે અને પરિણામ અંગે ચિંતિત રહેતો નથી. હકીકતમાં સખત પરિશ્રમ અને પ્રામાણિકતાથી કામ કર્યુ છે. આ જ કારણ છે કે જ્યારે હું કઈક સ્પેશિયલ કરુ છુ ત્યારે હું વધુ ઉત્સાહિત થતો નથી.
હું ભારતીય ટીમને બેસ્ટ આપવા માગુ છુ: હાર્દિક
હાર્દિકે કહ્યું કે વિશ્વ કપ તેમના માટે મહત્વપૂર્ણ લક્ષ્ય છે. આ સાથે હાર્દિક ભારતીય ટીમની દરેક મેચમાં પોતાનુ બેસ્ટ આપવા માગે છે. હાર્દિકે કહ્યું, તમે જે પણ શ્રેણી અથવા મેચ રમો છો તે તમારા માટે મહત્વની હોય છે. મારું લક્ષ્યાંક વિશ્વ કપ છે, પોતાનુ પ્લેટફોર્મ જાળવવા માટે આ યોગ્ય મંચ છે અને બેક ટૂ બેક ઘણી ક્રિકેટ આવવાની છે. હંમેશા પોતાના સ્થાને યથાવત રહેવુ ખૂબ જરૂરી હોય છે.
