રવિવારે ગુજરાત ટાઈટન્સ અને રાજસ્થાન રોયલ્સ વચ્ચે IPL 2022નો ફાઈનલ મુકાબલો છે. આવામાં જણાવી દઈએ કે હાર્દિક પંડ્યા આજ સુધી ક્યારેય IPL ફાઈનલમાં હાર્યા નથી.
IPL ફાઈનલ મુકાબલો થશે ગુજરાત ટાઈટન્સ અને રાજસ્થાન રોયલ્સ વચ્ચે
હાર્દિકે હંમેશા IPL ફાઈનલમાં મેળવી છે જીત
આ પહેલા મુંબઈ ઇન્ડિયન્સ સાથે જોડાયેલા હતા હાર્દિક પંડ્યા
IPL ફાઈનલ મુકાબલો થશે ગુજરાત ટાઈટન્સ અને રાજસ્થાન રોયલ્સ વચ્ચે
IPL 2022ની ફાઈનલ રવિવારે ગુજરાત ટાઈટન્સ અને રાજસ્થાન રોયલ્સ વચ્ચે રમાશે. બંને ટીમોએ આ સીઝનમાં શાનદાર પ્રદર્શન કર્યું છે અને બંને ટીમ જીતની નજીક છે. છેલ્લી મેચમાં કિસ્મત કઈ ટીમનો સાથ આપે છે, તે જોવું દિલચસ્પ રહેશે. જો ગુજરાત ટાઈટન્સના હાર્દિક પંડ્યાનો રેકોર્ડ જોઈએ તો આઈપીએલ ફાઈનલમાં તેઓ હંમેશા જીતે છે.
હાર્દિક પંડ્યા આ વર્ષે કેપ્ટન તરીકે IPLમાં રમી રહ્યા છે અને તેમની આગેવાનીમાં ગુજરાત ટાઈટન્સ પોતાની ડેબ્યૂ સીઝનમાં જ ફાઈનલમાં પહોંચી ગઈ છે. જોકે, હાર્દિક પંડ્યા માટે આ પહેલી આઈપીએલ ફાઈનલ નહીં હોય. તેઓ આ પહેલા પણ ચાર આઈપીએલ ફાઈનલમાં રમી ચુક્યા છે અને ગજબની વાત તો એ છે કે તેમણે એ ચારેય મેચમાં જીત મેળવી છે.
હાર્દિકે હંમેશા IPL ફાઈનલમાં મેળવી છે જીત
હાર્દિક પંડ્યા ગુજરાત ટાઈટન્સ પહેલા મુંબઈ ઇન્ડિયન્સ સાથે હતા. હાર્દિક પંડ્યાએ 2015માં ઇન્ડિયન પ્રીમિયર લીગમાં ડેબ્યૂ કર્યું હતું, ત્યાર બાદથી તેઓ મુંબઈ સાથે જ રહ્યા હતા. મુંબઈ ઇન્ડિયન્સ સાથે હાર્દિક પંડ્યાએ 2015, 2017, 2019, 2020માં આઈપીએલ ટ્રોફી જીતી હતી.
હવે હાર્દિક પંડ્યા ટીમના કેપ્ટન છે અને તેમની આગેવાનીમાં ટીમ ફાઈનલમાં પહોંચી છે. આવામાં તેમની કોશિશ રહેશે કે તેઓ ઈતિહાસ રચે અને પોતાની ટીમને જીત અપાવે.
આ પહેલા મુંબઈ ઇન્ડિયન્સ સાથે જોડાયેલા હતા હાર્દિક પંડ્યા
જો બેટ્સમેન તરીકે આ સિઝનમાં હાર્દિક પંડ્યાની વાત કરીએ તો તેઓ જબરદસ્ત ફોર્મમાં છે. બેટ્સમેન તરીકે આ સીઝન હાર્દિક માટે અત્યાર સુધીની બેસ્ટ સીઝન સાબિત થઇ છે. તેમણે અત્યાર સુધીમાં 14 મેચમાં 453 રન બનાવ્યા છે, જેમાં તેમની સરેરાશ 45 કરતા પણ વધારે રહી છે. હાર્દિક પંડ્યાનાં નામે આ સીઝનમાં 4 અડધી સદી પણ છે.