મુલાકાત / જમાઈ રાજાને જોઈ ઈમોશનલ થઈ ગયા સાસુ, હાર્દિક પંડયાને પહેલી વખત મળ્યા નતાશાનાં માં-બાપ

• હાર્દિક પંડ્યાએ પહેલી વખત તેના સાસુ-સસરા સાથે કરી મુલાકાત
• પહેલી વખત નતાશાના પરિવાર સાથે મળીને ખૂબ સારું લાગ્યુ
• હાર્દિક સાથે મળ્યાં બાદ હાર્દિકની સાસુએ શું પ્રતિક્રિયા આપી?

ઓસ્ટ્રેલિયા સામે ટી-20 મેચમાં ફિનિશિંગ રોલ નિભાવ્યો હતો

નતાશા સ્ટેનકોવિક મૂૂળ સર્બિયાની રહેવાસી છે. ભારતીય ટીમના ઓલરાઉન્ડર હાર્દિક પંડ્યા ખૂબ ચર્ચામાં છે. હાર્દિકે રવિવારે ઓસ્ટ્રેલિયા સામે ટી-20 મેચમાં ફિનિશિંગ રોલ નિભાવ્યો હતો. હાર્દિકે છેલ્લી ઓવરના ચોથા બોલ પર ચોગ્ગો મારીને ભારતને 6 વિકેટથી જીત અપાવી હતી. આ જીત સાથે ભારતીય ટીમે ત્રણ મેચોની ટી-20 શ્રેણી પર 2-1થી કબજો જમાવ્યો હતો. 

હાર્દિક તેના સાસુ-સસરાને મળ્યો 

હવે હાર્દિક પંડ્યાએ ટ્વિટર પર એક સ્પેશિયલ વીડિયો પોસ્ટ કર્યો છે. આ વીડિયોમાં હાર્દિક તેના સાસુ-સસરા સાથે મુલાકાત કરી રહ્યો છે. હાર્દિકે આ પોસ્ટના કેપ્શનમાં લખ્યું, વીડિયો અને ફોન કોલ બાદ વ્યક્તિગત રીતે હું મળ્યો. પહેલી વખત નતાશાના પરિવાર સાથે મળીને ખૂબ સારું લાગ્યુ. આ મોમેન્ટ્સ માટે આભારી છુ. 

જાણો હાર્દિકની સાસુએ હાર્દિકને શું કહ્યું?

વીડિયોમાં હાર્દિકની સાસુ રેડમિલા સ્ટેનકોવિક કહે છે, હું જાણતી હતી કે તે અવશ્ય આવશે. હું ખૂબ ખુશ છુ. મને હાર્દિકને જોઇ લેવા દો. પોતાની સાસુને મજાકમાં કહે છે કે તેમના પતિ શર્ટ પહેર્યા વગર બેઠા છે. જેના પર હાર્દિકની સાસુએ કહ્યું કે તેમણે અત્યાર સુધી શર્ટ પહેર્યુ હતુ. ત્યારબાદ હાર્દિક પોતાના સસરા ગોરાન સ્ટેનકોવિક સાથે પણ મુલાકાત કરે છે. હાર્દિક પોતાના સસરાને શર્ટને લઇને સવાલ પૂછે છે. 

From video and phone calls to finally meeting in person, wonderful to meet Nats’ (and now my) family for the first time. Grateful for moments like these ❤️ pic.twitter.com/ZrPcxJsUHr

— hardik pandya (@hardikpandya7) September 26, 2022

નતાશાએ કારકિર્દીની શરૂઆત સત્યાગ્રહથી કરી હતી 

નતાશા સ્ટેનકોવિક મૂળ સર્બિયાની રહેવાસી છે અને તેણે પોતાની ફિલ્મી કારકિર્દીની શરૂઆત બોલીવુડ ફિલ્મ સત્યાગ્રહથી કરી હતી. ત્યારબાદ તેમને અસલી ઓળખ બોલીવુડ સિંગર બાદશાહના સુપરહિટ ગીત ડીજે વાલા બાબૂથી મળી. આ ગીતમાં નતાશા સ્ટેનકોવિકે ગજબનુ પર્ફોમન્સ આપ્યું.