ગુજરાતમાં LRD પેપરલીક કાંડ મામલો બાયડના વધુ એક શખ્સની અટકાયત

ગાંધીનગર: ગુજરાતમાં લોકરક્ષક દળની પરીક્ષાનું પેપરલીક કાંડ મામલે વધુ એક શખ્સની અટકાયત થઈ છે. બાયડના વધુ એક શખ્સની અટકાયત કરવામાં આવી છે. 

મળતી માહિતી અનુસાર ચોઈલા ગામના સુરેશ પંડ્યાની અટકાયત થઈ છે. અમદાવાદના નરોડાથી ગાંધીનગર પોલીસે અટકાયત કરી છે. અગાઉ તે ગેરકાયદેસર નેશનલ સ્પોર્ટ્સના સર્ટિફિકેટનું પણ સેટિંગ કરતો હતો. આંતરરાજ્ય ગેંગ સાથે નામ નીકળતા અટકાયત કરવામાં આવી છે. અત્યારસુધીમાં બાયડ તાલુના ત્રણ લોકની અટકાત થઈ છે. આ પેપરકાંડમાં વધુ ચાર નામ પણ સામે આવ્યા છે. જેથી પૂછપરછના આધારે તપાસનો રેલો રાજસ્થાન સુધી પહોચે તેવી શક્યતા છે.  

દિલ્લીમાં પેપર કઈ રીતે પહોંચ્યુ તેનો પણ પોલીસ પાસે જવાબ નથી. દિલ્લીથી જવાબ આપનારા સુત્રધાર કોણ છે તે પણ વણઉકેલ્યુ છે. દિલ્લીથી આવેલા જવાબો ક્યાં ક્યાં પહોંચ્યા તેની પણ તપાસ ધરાશે. હોટેલમાં મીટિંગ વખતે સુત્રધાર કોણ તેની પણ તપાસ હાથ ધરાઈ છે. 
વિનીત માથુર તેના કાકાના કહેવાથી કૌભાંડમાં સામેલ થયો હતો. દિલ્લીનો આનંદ માથુર પર મીટિંગમાં હાજર રહ્યાની પણ શંકા છે. વીનિત માથુરે એક ટીમને તેના ગામમાં પેપર બતાવ્યા હતા. આન્સર કીના ગ્રાહકો શોધવા કમિશનથી એજન્ટ પણ રાખતો હતો. મધ્યપ્રદેશની પેટર્નથી ગુજરાતમાં પેપરકાંડ થયુ હોવાની આશંકા છે.