ધીમી ગતિ / ગુજરાતમાં સતત ઘટી રહ્યા છે કોરોના કેસ, આજે 12,131 નવા તો સામે 22,070 લોકો ડિસ્ચાર્જ, 3જી લહેરના સૌથી વધુ મોત

• ગુજરાતમાં કોરોનાની ગતિ ધીમી પડી
• આજે છેલ્લા 24 કલાકમાં નવા  12,131 કેસ નોંધાયા

ગુજરાતમાં ત્રીજી લહેરની પીક હવે સમાપ્ત થઈ હોય તેવુ લાગી રહ્યું છે. છેલ્લા 24 કલાકમાં 12,131 કેસ કોરોના પોઝિટિવ આવતા તંત્રને લોકો હવે રાહતનો શ્વાસ લઈ રહ્યા છે. આજે સૌથી વધુ અમદાવાદ શહેરમાં 4046 કેસ સામે આવ્યા છે જ્યારે સુરત શહેરમાં 628 કેસ તો રાજકોટ શહેરમાં 958 કેસ, વડોદરા શહેરમાં 1999 કેસ સામે આવ્યા છે. ગાંધીનગર શહેરમાં 271 કેસ, ભાવનગર શહેરમાં 185 કેસ સામે આવ્યા છે. કોરોનાનો પ્રકોપ ફેબ્રુઆરીની પ્રથમ સપ્તાહમાં સાવ સુસ્ત થઇ જશે તેઓ નિષ્ણાતો દાવો કરી રહ્યા છે. કોરોનાને લીધે 30 લોકોએ દમ તોડ્યો છે જ્યારે દર્દીઓ 22,070 સાજા થઇ હેમખેમ ઘેર પરત ફર્યા છે. રાજ્યમાં કુલ એક્ટિવ કેસની 1,07,915સંખ્યા સુધી પહોંચી છે.

જિલ્લા પ્રમાણે કોરોના કેસ..
અમદાવાદ જિલ્લામાં સૌથી વધુ 4124 કેસ, સુરતમાં 1071 કેસ, રાજકોટમાં 1213 કેસ, વડોદરામાં 2517 કેસ, જૂનાગઢમાં 84 કેસ, જામનગરમાં 269 કેસ, ગાંધીનગરમાં 399 કેસ, ભાવનગરમાં 208 કેસ કચ્છમાં 206, વલસાડમાં 166 કેસ, બનાસકાંઠામાં 157, મહેસાણામાં 157 કેસ, નવસારીમાં 151, ભરૂચમાં 148 કેસ, આણંદમાં 138, મોરબીમાં 138 કેસ, ખેડામાં 129, સાબરકાંઠામાં 106 કેસ, પંચમહાલમાં 85, અમરેલીમાં 78 કેસ, સુરેન્દ્રનગર 69, તાપીમાં 39 કેસ, દાહોદમાં 35, ગીરસોમનાથમાં 33 કેસ, દ્વારકામાં 27, મહીસાગરમાં 23 કેસ, અરવલ્લીમાં 18, નર્મદામાં 18, બોટાદમાં 5 કેસ, છેટાઉદેપુરમાં 14, ડાંગમાં 10, પોરબંદરમાં 10 કેસ નોંધાયા છે.

દેશમાં સતત 4 દિવસથી 500 કરતા વધું લોકોના મોત
દેશમાં છેલ્લા 24 કલાકમાં 2.51 લાખ કેસ નોંધાયા છે. સાથેજ 627 લોકોના મોત થયા છે. જોકે સારી વાત એ છે કે છેલ્લા 24 કલાકમાં 3,47,443 દર્દીઓ સાજા પણ થયા છે. જેથી કોરોનાની ગતિ હવે ધીમી પડી રહી છે. તેવું કહી શકાય. એકદંરે હવે દેશમાં કેસ ઘટી રહ્યા છે. જેથી પ્રતિબંધો પણ હટી રહ્યા છે. ગઈકાલની સરખામણીએ 35 હજાર જેટલા ઓછા કેસ નોંધાયા છે. ગઈકાલે દેશામાં 2.86 લાખ જેટલા કેસ નોંધાયા હતા. જોકે ગઈકાલ કરતા આજે મોતની સંખ્યા વધી ગઈ છે. કારણકે ગઈકાલે 573 લોકોના મોત થયા હતા જ્યારે 627 લોકોના મોત થયા છે. જે એક ચિંતાજનક બાબત કહી શકાય.

ચાર મોટા શહેરોમાં કોરોનાની સ્થિતિ